麥明詩恨做港姐司儀

【蘋果日報】十優港姐麥明詩前晚到理工大學出席活動，對於今年港姐外景由過往出埠改為在西貢拍攝，麥明詩說：「去邊度拍都唔緊要，始終外景嘅重點係班女仔，西貢有啲地方拍出嚟都好似去咗外國。」可覺無綫慳皮？她說：「呢樣就唔清楚，但最緊要拍出嚟效果好。」
有報道指曾志偉被無綫封殺，今年沒機會做港姐司儀，麥明詩則避談，只說：「希望我遲啲有機會可以做港姐司儀，當係畀多啲機會新人。」可覺得換人後欠缺代表性？麥明詩說：「港姐后冠都好有代表性，世界上冇嘢係永恒，有朝一日都要改朝換代，二十年前同二十年後嘅港姐氣場都唔同，如果我二十年前參選肯定入唔到圍，所以冇需要害怕改變。」
採訪、攝影：曹家誠