新聞類別
娛樂
詳情#
【蘋果日報】近日警方的一次掃黃行動，成為城中熱話，全因facebook專頁「旺角人旺角事MKpeople」發起直播，主持的生鬼啜核旁述令瀏覽量不斷增加，高峯期更超過8千人同時收看，蔚為佳話。這位「夜媽媽」直擊警方掃黃的年輕人叫KaKa，受訪時直認當晚做直播除了是好奇心驅使，也算是愛和責任的表現：「呢個社區大家都有份，關注同愛係一定啦！」
15年，KaKa與幾位好友成立了「旺角人旺角事 MKpeople」facebook專頁，旨在令多些街坊了解旺角的事，譬如介紹旺角的小店、有甚麼特式之類，他說：「我本身工作都喺呢頭附近，同埋我好熱愛旺角呢個地方。」但後來發現旺角變得「越來越陌生」，無論物價、衞生、治安、甚至乎舖頭，都變得面目全非，覺得有責任去令更多人關注。KaKa說：「好似食碗雲吞麵，差唔多見到三字頭。十年前左右，十蚊、十三蚊咋嘛，0依家扯到貴晒。」
旺角從前是購物天堂，現在卻充斥着藥房和珠寶店，以及一車車拖篋掃貨的內地客，這令KaKa更為氣結：「都唔係做本地人生意嘅，咁你叫我哋啲市民平時放假可以去邊呢？就算我地去到尖沙嘴、海港城，我都行唔到因為全部都係大陸人。我唔係歧視佢哋，但你都畀返個安靜寧靜嘅社區我哋生活吖！」
說到安靜，住在西洋菜南街的街坊總算可以安靜下來，提到「殺街」，KaKa是絕對支持：「喺早兩年前我哋（facebook專頁）拍咗條片，影到啲大媽唱完首歌，行埋去啲阿伯度收錢。我覺得呢啲風氣好有問題。第二，基本上佢哋唔喺度表演，好似搞到成個妖獸都市咁，烏煙瘴氣。」
旺角今非昔比，港人當然痛心，KaKa也認為未來就算幾努力，若沒有關當局參與，改變應該不會太大：「只可以講盡力做，希望可以用自己力量，變番一個大家熟識嘅旺角。」
採訪：馮國康、倩宜
攝錄：馮峰、Chris
15年，KaKa與幾位好友成立了「旺角人旺角事 MKpeople」facebook專頁，旨在令多些街坊了解旺角的事，譬如介紹旺角的小店、有甚麼特式之類，他說：「我本身工作都喺呢頭附近，同埋我好熱愛旺角呢個地方。」但後來發現旺角變得「越來越陌生」，無論物價、衞生、治安、甚至乎舖頭，都變得面目全非，覺得有責任去令更多人關注。KaKa說：「好似食碗雲吞麵，差唔多見到三字頭。十年前左右，十蚊、十三蚊咋嘛，0依家扯到貴晒。」
旺角從前是購物天堂，現在卻充斥着藥房和珠寶店，以及一車車拖篋掃貨的內地客，這令KaKa更為氣結：「都唔係做本地人生意嘅，咁你叫我哋啲市民平時放假可以去邊呢？就算我地去到尖沙嘴、海港城，我都行唔到因為全部都係大陸人。我唔係歧視佢哋，但你都畀返個安靜寧靜嘅社區我哋生活吖！」
說到安靜，住在西洋菜南街的街坊總算可以安靜下來，提到「殺街」，KaKa是絕對支持：「喺早兩年前我哋（facebook專頁）拍咗條片，影到啲大媽唱完首歌，行埋去啲阿伯度收錢。我覺得呢啲風氣好有問題。第二，基本上佢哋唔喺度表演，好似搞到成個妖獸都市咁，烏煙瘴氣。」
旺角今非昔比，港人當然痛心，KaKa也認為未來就算幾努力，若沒有關當局參與，改變應該不會太大：「只可以講盡力做，希望可以用自己力量，變番一個大家熟識嘅旺角。」
採訪：馮國康、倩宜
攝錄：馮峰、Chris
回應 (0)
