榴槤喻偷食「身痕去百佳」

【蘋果日報】黃子華最後一騷，笑中有淚，句句精警。講黑警時，觀眾反應甚大，子華說︰「暗角七警，暗角打鑊，冇可能係啱喇啩……歷代嘅忠良都係俾啲狗官迫害。」說到這裏，觀眾報以熱烈掌聲。之後他續說︰「依家難分真與假，我喺街見到一幅對聯『暗角七警執死雞，擅用私刑龍咁威。』」台下掌聲即如雷貫耳。
子華又以榴槤比喻偷食，他說道︰「到底有乜嘢水果好食得過禁果？」台下即有觀眾大叫榴槤，子華笑說：「場場都有人叫榴槤，你哋班泰國、馬來西亞間諜……以後男人想去偷食，去買榴槤啦！『老婆我今日身痕，我去百佳一次先』夠未呀？」
子華講到馬雲「打贏」李連杰︰「一個有錢人打贏晒所有高手，即係話只要肯埋單，唔怕唔夠班。」講到「面斥不雅」時，台下不時有人叫子華除衫、除褲，子華更順應民意，解完煲呔再解開兩粒鈕，然後說：「咁會唔會好啲？」子華接着揭開半件外套，露牌子給觀眾看，然後說：「呢件嘢真係面斥不雅。」