同期蔡興麟開騷出新歌

【蘋果日報】與徐鎮東同期、曾於90年代初活躍香港樂壇的歌手蔡興麟，相隔25年，前晚在火炭再舉辦歌迷聚會，不過由於現場地方淺窄，房間僅可擺放20多張椅子，所以並沒太多歌迷參與。蔡興麟表示今次回港會逗留個幾禮拜：「之後9月再返港出席記者會，宣佈喺香港搞演唱會，兼會出新歌。」
蔡興麟最近動作多多，問到會否全力回歸樂壇？他說：「唔可以用『回歸』呢個字眼，我從來冇離開過，不過我都覺得唔係幾對得住歌迷，好耐冇出廣東歌，入行27年，好想紀念呢個日子，出碟同演唱會都係用作慈善用途。」會否選在紅館開演唱會？他說：「唔會，因為個期好難拎，唔一定要喺紅館，好多歌手朋友知道我想開騷都打嚟話要幫手。」
採訪、攝影：王連連