演員出道唔減肥李藝琳增肥20磅做「金泰希」

【蘋果日報】平日藝人出道都會積極備戰，好似會減肥箍牙等，務求以最佳狀態見人。
不過曾孖演員父親李京奎出演韓國綜藝節目《拜託爸爸》嘅24歲李藝琳卻反行其道，佢為咗以演員出道仲好大犧牲，不惜增肥9kg(約20磅)，佢仲喺劇集官網公開自己肥嘟嘟嘅樣，留言叫大家唔好話佢肥：「我也知道」。
只見肥咗唔少嘅李藝琳嘅身形增大一個碼，同之前身形有段距離。而李藝琳有份喺日前首播嘅《我的ID是江南美人》演出一角，佢為咗角色而刻意增磅，喺劇中將飾演金泰希，經常有唔少人同佢講：「只要減肥就會變靚」呢句話，雖然想行動但永遠冇勇氣嘅角色。
而《我的ID是江南美人》係改編自同名網路漫畫，講述從小因為長相醜樣而受盡欺凌嘅女主角喺整容後重過新生活嘅故事，並由林秀香及車銀優主演。