新聞類別
港聞
詳情#
【蘋果日報】有智者講過：「男人愛高達，女人唔明白」。趁住動漫節，我哋嚟到旺角模型聖地YM Studio，搵嚟兩位鍾意ACG文化嘅看板娘Newtype Girl，驗證吓呢句說話到底有幾成係真。
Grace喺YM Studio做咗一年半，鍾意Cosplay、畫畫嘅佢受到一班模型高手嘅薰陶之下，開始學習砌模型，由機娘砌到去MG高達模型，打磨噴油全部做足。佢話身邊朋友第一次聽到佢砌模型都有啲驚訝，但佢就覺得點解女仔唔可以鍾意高達、鍾意模型，甚至可以同男朋友或者老公有共同話題，「傾吓點上色、上咩色，不過可能傾傾吓會嗌交。」
身高1.6米嘅160亦都喺YM Studio做咗一年，鍾意唱歌跳舞嘅佢性格有啲坐唔定，但原來亦都會砌吓模型，或者係幫啲Boardgame棋上色。佢話女仔砌模型其實就同男仔化妝一樣，根本唔應該去歧視，「何況宜家模型有好多唔同種類，好多女仔都個砌一啲可愛啲嘅。」
記者落場同佢哋鬥過，喺限時之內兩個人都能夠完成一部1/144嘅HG渣古模型，剪水口、打磨、修邊都十分之利落，完全唔會輸比男仔。
YM Studio老板之一嘅阿星話，請女仔做店員其實係向日本取經，平時執吓貨幫手推銷吓咁，唔少人都對砌模型好有研究。佢話而家開始模型生意難做，一定要有多啲元素去留住班熟客，亦都會賣多啲耗材，好似係模型油以及係各式各樣嘅工具。
提提大家，一班Newtype Girl喺動漫節三樓嘅創天同人祭有攤位，想見佢哋嘅，自己識做啦。
記者佘錦洪
攝影陳海威
Grace喺YM Studio做咗一年半，鍾意Cosplay、畫畫嘅佢受到一班模型高手嘅薰陶之下，開始學習砌模型，由機娘砌到去MG高達模型，打磨噴油全部做足。佢話身邊朋友第一次聽到佢砌模型都有啲驚訝，但佢就覺得點解女仔唔可以鍾意高達、鍾意模型，甚至可以同男朋友或者老公有共同話題，「傾吓點上色、上咩色，不過可能傾傾吓會嗌交。」
身高1.6米嘅160亦都喺YM Studio做咗一年，鍾意唱歌跳舞嘅佢性格有啲坐唔定，但原來亦都會砌吓模型，或者係幫啲Boardgame棋上色。佢話女仔砌模型其實就同男仔化妝一樣，根本唔應該去歧視，「何況宜家模型有好多唔同種類，好多女仔都個砌一啲可愛啲嘅。」
記者落場同佢哋鬥過，喺限時之內兩個人都能夠完成一部1/144嘅HG渣古模型，剪水口、打磨、修邊都十分之利落，完全唔會輸比男仔。
YM Studio老板之一嘅阿星話，請女仔做店員其實係向日本取經，平時執吓貨幫手推銷吓咁，唔少人都對砌模型好有研究。佢話而家開始模型生意難做，一定要有多啲元素去留住班熟客，亦都會賣多啲耗材，好似係模型油以及係各式各樣嘅工具。
提提大家，一班Newtype Girl喺動漫節三樓嘅創天同人祭有攤位，想見佢哋嘅，自己識做啦。
記者佘錦洪
攝影陳海威
回應 (0)
