新聞類別
娛樂
詳情#
【蘋果日報】貌似崔始源嘅ViuTV《全民造星》29歲參賽者鄧禮迪（迪迪仔）近日喺比賽中唱歌走音，但仍打入50強。不過，讀者何先生日前向《蘋果》爆料，話迪迪仔係改咗名入行，曾選過校草，多年前曾經同女朋友自拍一段性愛片段喺網上瘋傳。
影響到好多人
馮仁昭打電話畀迪迪仔求證，佢承認係當事人：「我係改過名，條片亦都係我十年前同當時女朋友拍嘅，之後唔小心跌咗部電話，亦可能因為咁條片喺網上流傳。我發現條片喺網上流傳，即刻去報警，但阻止唔到件事發生落去。」迪迪仔話好後悔：「呢件事影響好多人，包括當時女朋友、佢屋企人，同埋我屋企人，呢件事我非常內疚。」佢仲話：「我參加比賽係好單純為咗夢想，冇諗過咁耐嘅事會再畀人講番。我知道呢件事會再影響到好多人，所以我想為呢件事道歉，為受到傷害嘅人講聲對唔住，希望大家畀次機會我。」
迪迪仔日前喺尖沙嘴接受專訪，影相期間，咁啱撞見任達華做運動，華哥仲主動同迪迪仔講：「加油！」模特兒出身嘅迪迪仔早年係黃柏高公司藝人，對於被寸「靚仔大晒呀？走音都冇事？」佢話：「嗰晚我太緊張，表現好跌watt。入到50強，可能係整體表現有加分。」
撰文：馮仁昭
場地提供：Fitness First Hong Kong
影響到好多人
馮仁昭打電話畀迪迪仔求證，佢承認係當事人：「我係改過名，條片亦都係我十年前同當時女朋友拍嘅，之後唔小心跌咗部電話，亦可能因為咁條片喺網上流傳。我發現條片喺網上流傳，即刻去報警，但阻止唔到件事發生落去。」迪迪仔話好後悔：「呢件事影響好多人，包括當時女朋友、佢屋企人，同埋我屋企人，呢件事我非常內疚。」佢仲話：「我參加比賽係好單純為咗夢想，冇諗過咁耐嘅事會再畀人講番。我知道呢件事會再影響到好多人，所以我想為呢件事道歉，為受到傷害嘅人講聲對唔住，希望大家畀次機會我。」
迪迪仔日前喺尖沙嘴接受專訪，影相期間，咁啱撞見任達華做運動，華哥仲主動同迪迪仔講：「加油！」模特兒出身嘅迪迪仔早年係黃柏高公司藝人，對於被寸「靚仔大晒呀？走音都冇事？」佢話：「嗰晚我太緊張，表現好跌watt。入到50強，可能係整體表現有加分。」
撰文：馮仁昭
場地提供：Fitness First Hong Kong
回應 (0)
