野豬王闖民居　唐狗護主險死

【蘋果日報】【驚心動魄】野豬肆虐，屯門近日更驚現野豬王闖民居。住在寮屋的慈姐近年不斷受到野豬滋擾，自漁護署去年停止出動野豬狩獵隊後，野豬問題更變本加厲，每天不分晝夜來搗亂，吃光她種下的番薯、芋頭和大樹菠蘿等。上月底，一隻300多磅的野豬王企圖攻擊她，幸8個月大的唐狗挺身勇救，慈姐才逃過一劫，但愛犬慘遭劏肚險死。
「灰白色有獠牙　凶神惡煞」
「以前野豬一星期只嚟3、4隻，依家每日都嚟，每次幾隻，一批嚟完又到另一批，搞到我成晚冇覺好瞓」，約50歲的慈姐住在屯門頌皇臺寮屋已35年，原本只養了3隻唐狗，惟近年野豬出沒頻繁，她要養9隻狗來防範。最可怕是野豬神出鬼沒，而她的廁所設在屋外，入黑後如廁心驚膽戰。
上月底某日下午5時許，慈姐突然聽到狗吠聲，查看後發現一隻體形龐大、重逾300磅的野豬王正在家門外翻泥，「佢身體呈灰白色，與別不同，有獠牙、頸有毛豎起，凶神惡煞」。當時3隻家犬不停向野豬王吠叫，「我驚佢哋有危險，大聲叫佢哋返嚟，點知野豬王掉轉頭想衝向我，距離只有10幾呎，我成個人仆低」；8個月大的唐狗「斑斑」見狀即上前護主，「野豬王用獠牙一下就插傷斑斑嘅左邊胛骨，造成20厘米傷口，血流如注，不停唞大氣，仲碌咗落山坡」。她立即將斑斑送院，「醫生話差少少，肋骨、肺同大動脈就被插穿」，幸最終手術成功，「今次係不幸中之大幸，佢（斑斑）係我救命恩人！」
這次是慈姐第二次見到野豬王，對上一次在數年前，當時野豬王在其屋外經過，「佢氣定神閒，豎起鬃毛，有一對長約一呎的白色獠牙，旁若無人，好有霸氣」。為拍攝野豬王真身，《蘋果》早前特意在慈姐家外裝設鏡頭，經過逾一星期攝錄，連續3晚拍到有野豬出沒，其中一晚更至少有3隻中小型野豬在其家外搵食。
■記者黃學潤