新聞類別
財經
詳情#
【蘋果日報】「多謝各位今年對公司的努力，今年的appraisal公司一定會為大家盡力爭取最好加幅，大家起筷！」
我叫阿穹，剛在台上講話的正是我，是這間公司的小經理，面對一班剛被人換了新公司簽合約，被人用盡MPF對沖的員工同事們，我都知以上一番說話絕對係戲子之間的對話。
「阿穹，你剛才的speech大致上都不錯，不過有點問題，唔夠PR，學子華話齋，做人冇PR，食屎㗎啦！你要再叫啲同事搏盡，不可以次次計錢，計加幅，要解釋吓喺公司可以學多點東西，這些才是無價，這才夠PR。」
對我說這番話的是我大學的好友榮少，亦正是這間公司的接班人。
「無錯啦世姪，你都要學識，好似阿榮剛回到這間公司甚麼都不認識，又不懂投資，現在他識得和些甚麼ibanker開個甚麼B戶口，我都只是幫他一點，畀一點學費他開個那個甚麼B戶口，今年都回報都做得不錯呀。」
我心想：「Uncle，那個是PB戶口，要成千萬先開到，我知榮少努力完會有你哋一點學費支持，不過我想我都要用成世先找到嗰一點學費。」對住榮少爸爸，以上的說話只會放喺心度，講出嚟佢哋都不會明。
「好似阿榮上次訪問講得對，只要努力一點，多學一點，玩少啲，買樓就好易啦，唔好話買樓，開間公司畀佢玩吓，再介紹投行世叔伯畀佢，上埋市都得呀，最緊要佢勤力啲，儲吓錢，唔好成日去旅行。」
那一刻，我好似明白到原來我同榮少的人生KPI從來都不同。
由小時候喺屋村長大開始，屋企人教緊自己努力讀書去找份穩定的收入，盡量去避開風險，避開重大投資，買股票有風險，會有股災，輸了錢如何照顧屋企，不可亂來，買樓隨時用盡你一生的儲蓄，負資產點算，更加不可亂來，創業手停口停，即係唔穩定，如何照顧屋企，打份工吧啦。係阿穹的世界入面，除咗貢獻予工作的10多個鐘之外，要諗嘅係點樣喺每月有盈餘同赤字之間拎到平衡，由細到大建立的KPI就只係有一份穩定的收入，令戶口有錢剩。
而榮少那一層次的KPI並非要做外界認為對的事，因為由細細個榮少已經意識到，不管多努力，都不及由屋企人推一把來得方便，所以所有外界眼光都不如他們上一輩的眼光重要，由細到大屋企人教落的是要擴大自己的人際脈絡，要識飲紅酒，要買樓買舖投資。到榮少大個仔，學識甚麼是CAPM Model時，原來屋企人係會「支持」佢開個PB戶口投資，到識咗地產發展商朋友之後，原來屋企人係會「支持」佢full paid買樓的時候，透過不斷發生呢個正反饋，更令佢哋相信佢哋的KPI係令屋企人認同，只要屋企人say yes，原來好多嘢係可以快好多。
「阿穹，Dad說得對，你都可以上樓，但專注工作先，勤力啲，學多啲，好似我咁親力親為，而家都開了數間新公司，接Dad朋友的項目做，我開公司時人工得一萬咋，嗱，講定你聽先呀，嚟緊我加你4%，係全公司最高，贏咗通脹㗎，所以話唔好擔心錢，好快full paid買到我層樓㖭。」
Well，我學過馬太效應，2017年樓價升咗13%，當30年之後平均每年升6%，如果我份糧每年都升4%，仲要希望唔好有日我忍唔住爆阿榮少，咁30年之後榮少層樓升咗5.7倍，我份糧先升到3.2倍，而家都要不吃不喝19年先買到樓，到時我要33.8年先full paid到，仲難過而家……呢啲咪「凡有的，還要加給他；沒有的，連他所有的也要奪過來。」
之後，我好衷心咁多謝榮少。完。
故事純屬虛構，如有雷同，只可以話社會很現實，事實很殘酷。
灝昇
我叫阿穹，剛在台上講話的正是我，是這間公司的小經理，面對一班剛被人換了新公司簽合約，被人用盡MPF對沖的員工同事們，我都知以上一番說話絕對係戲子之間的對話。
「阿穹，你剛才的speech大致上都不錯，不過有點問題，唔夠PR，學子華話齋，做人冇PR，食屎㗎啦！你要再叫啲同事搏盡，不可以次次計錢，計加幅，要解釋吓喺公司可以學多點東西，這些才是無價，這才夠PR。」
對我說這番話的是我大學的好友榮少，亦正是這間公司的接班人。
「無錯啦世姪，你都要學識，好似阿榮剛回到這間公司甚麼都不認識，又不懂投資，現在他識得和些甚麼ibanker開個甚麼B戶口，我都只是幫他一點，畀一點學費他開個那個甚麼B戶口，今年都回報都做得不錯呀。」
我心想：「Uncle，那個是PB戶口，要成千萬先開到，我知榮少努力完會有你哋一點學費支持，不過我想我都要用成世先找到嗰一點學費。」對住榮少爸爸，以上的說話只會放喺心度，講出嚟佢哋都不會明。
「好似阿榮上次訪問講得對，只要努力一點，多學一點，玩少啲，買樓就好易啦，唔好話買樓，開間公司畀佢玩吓，再介紹投行世叔伯畀佢，上埋市都得呀，最緊要佢勤力啲，儲吓錢，唔好成日去旅行。」
那一刻，我好似明白到原來我同榮少的人生KPI從來都不同。
由小時候喺屋村長大開始，屋企人教緊自己努力讀書去找份穩定的收入，盡量去避開風險，避開重大投資，買股票有風險，會有股災，輸了錢如何照顧屋企，不可亂來，買樓隨時用盡你一生的儲蓄，負資產點算，更加不可亂來，創業手停口停，即係唔穩定，如何照顧屋企，打份工吧啦。係阿穹的世界入面，除咗貢獻予工作的10多個鐘之外，要諗嘅係點樣喺每月有盈餘同赤字之間拎到平衡，由細到大建立的KPI就只係有一份穩定的收入，令戶口有錢剩。
而榮少那一層次的KPI並非要做外界認為對的事，因為由細細個榮少已經意識到，不管多努力，都不及由屋企人推一把來得方便，所以所有外界眼光都不如他們上一輩的眼光重要，由細到大屋企人教落的是要擴大自己的人際脈絡，要識飲紅酒，要買樓買舖投資。到榮少大個仔，學識甚麼是CAPM Model時，原來屋企人係會「支持」佢開個PB戶口投資，到識咗地產發展商朋友之後，原來屋企人係會「支持」佢full paid買樓的時候，透過不斷發生呢個正反饋，更令佢哋相信佢哋的KPI係令屋企人認同，只要屋企人say yes，原來好多嘢係可以快好多。
「阿穹，Dad說得對，你都可以上樓，但專注工作先，勤力啲，學多啲，好似我咁親力親為，而家都開了數間新公司，接Dad朋友的項目做，我開公司時人工得一萬咋，嗱，講定你聽先呀，嚟緊我加你4%，係全公司最高，贏咗通脹㗎，所以話唔好擔心錢，好快full paid買到我層樓㖭。」
Well，我學過馬太效應，2017年樓價升咗13%，當30年之後平均每年升6%，如果我份糧每年都升4%，仲要希望唔好有日我忍唔住爆阿榮少，咁30年之後榮少層樓升咗5.7倍，我份糧先升到3.2倍，而家都要不吃不喝19年先買到樓，到時我要33.8年先full paid到，仲難過而家……呢啲咪「凡有的，還要加給他；沒有的，連他所有的也要奪過來。」
之後，我好衷心咁多謝榮少。完。
故事純屬虛構，如有雷同，只可以話社會很現實，事實很殘酷。
灝昇
回應 (0)
