林德信想學松岡出寫真

【蘋果日報】林德信、陳蕾及許廷鏗昨日到九展出席新城舉行的音樂會，林德信帶同寶貝結他現身，他說：「我都有30幾支結他，最貴嗰支電結他應該3萬左右，唔算貴，爸爸嗰啲先係古董，不過嗰時屋企火燭燒晒，我淨係睇過相。」問他除了古董結他相，有否看過前女友松岡李那的寫真相？林德信笑謂：「冇留意呀，不過都好，依家男仔、女仔都出寫真，我都諗不如影番本？」
林德信笑指不介意以三角泳褲拍寫真，但如果全裸就只可以拍電影時才會考慮，他說：「嗰時教高溫瑜伽，學校都鼓勵男老師着三角褲、女老師着比堅尼，要騷吓身材畀啲學生睇。」林德信指近日練游水令胸肌縮水，問女友可會揸他的胸肌？林德信笑謂：「唔係應該我揸人㗎咩？」
採訪、攝影：盧妹