新聞類別
娛樂
詳情#
【蘋果日報】劉嘉玲、謝君豪、秦沛等主演的舞台劇《奪命証人》昨晚首場演出，身為嘉玲老公的梁朝偉當然有現身灣仔演藝學院捧場，其他撐場圈中人還有蔡一智、蔡一傑、彭秀慧、樂易玲和湯怡等。
張叔平收優惠價
偉仔最近才對外宣佈由太太嘉玲代任經理人，平時鮮有現身去睇舞台劇的他，昨晚依然保持低調，沒有經正門入場，避過傳媒採訪，由秘道入場為太太打氣。演出前，偉仔夫婦先與楊受成一起合照，三人不約而同身穿黑色衫，認真合襯。之後偉仔由後台走去前台坐下，偉仔身邊坐着的是著名美指張叔平，原來偉仔相約了好友張叔平一齊睇騷。因為嘉玲的面子，張叔平僅以一個優惠價，為今次舞台劇擔任美術及造型設計。
至於草蜢的蔡一智和蔡一傑兩兄弟，就表示是專程前來捧場，希望向劉嘉玲、謝君豪及秦沛偷師，「三個都係好戲之人，所以特登嚟進修，我哋有興趣做舞台劇，所以先嚟進修，我哋都係舞台劇嘅BB級，如果有機會做，當然希望係做歌舞劇，有好劇本、有發揮就最好。」
草蜢又透露最近積極為下月11日於廣州舉行的演唱會排舞，因為是全新製作，所以開騷前來輕鬆一下。廣州是巡唱第一站，之後會再到世界各地展開演出。
採訪、攝影：曹家誠
張叔平收優惠價
偉仔最近才對外宣佈由太太嘉玲代任經理人，平時鮮有現身去睇舞台劇的他，昨晚依然保持低調，沒有經正門入場，避過傳媒採訪，由秘道入場為太太打氣。演出前，偉仔夫婦先與楊受成一起合照，三人不約而同身穿黑色衫，認真合襯。之後偉仔由後台走去前台坐下，偉仔身邊坐着的是著名美指張叔平，原來偉仔相約了好友張叔平一齊睇騷。因為嘉玲的面子，張叔平僅以一個優惠價，為今次舞台劇擔任美術及造型設計。
至於草蜢的蔡一智和蔡一傑兩兄弟，就表示是專程前來捧場，希望向劉嘉玲、謝君豪及秦沛偷師，「三個都係好戲之人，所以特登嚟進修，我哋有興趣做舞台劇，所以先嚟進修，我哋都係舞台劇嘅BB級，如果有機會做，當然希望係做歌舞劇，有好劇本、有發揮就最好。」
草蜢又透露最近積極為下月11日於廣州舉行的演唱會排舞，因為是全新製作，所以開騷前來輕鬆一下。廣州是巡唱第一站，之後會再到世界各地展開演出。
採訪、攝影：曹家誠
回應 (0)
