新聞類別
港聞
詳情#
【蘋果日報】身為香港第一代街頭藝人，「有趣先生」蘇春就也是旺角行人專用區街頭表演文化的開荒牛。旺角殺街在即，蘇春就重返暌違8年的菜街，憤慨表示：「一刀切係嚴重打擊同侮辱街頭藝人，亦扼殺香港文化產業進展。」他對政府提出詰問：「創科就有500億，我哋街頭藝人唔使你畀1蚊，只要管理同空間，點解都冇？」
現年58歲的蘇春就是海洋公園小丑學堂首屆畢業生，精通默劇、雜技、魔術、花式氣球、踩高蹺等各種表演。渴望打造一條香港表演街道的他，自2005年起恒常到西洋菜街表演雜技。身體力行，只因相信街頭表演對社會有益無害，「街頭表演係免費大眾節目，畀基層都有娛樂，彼此亦有交流空間，可以令社會和諧」。
「你話雅俗共賞，表演質素係見仁見智，我唔接受。」
然而，蘇春就的一番好意，換來屢遭驅趕和票控下場。商舖報警，管理公司往街上倒水，警方用盡軟硬兼施手法趕他離開，多年來他已見怪不怪。至2006年和2010年，蘇春就分別因在菜街表演「吞火」和在銅鑼灣行人專用區表演，遭警方指他違反《簡易治罪條例》第4條（23）節，即在任何公眾地方對他人或交通造成滋擾或阻礙。雖然兩次票控，都被裁定罪名不成立，算是為街頭藝人討回公道，但蘇春就卻預視到這將是菜街噩夢的開端。
菜街自此變得光怪陸離，大媽和巨型音響紛紛進駐，包括蘇春就等一眾開荒街頭藝人陸續撤離。蘇春就指自己在2010年打贏官司時，已想像到這個局面：「大家知道咗原來基本法34條係保障香港市民喺公共空間展現文化藝術，但冇考核制度，政府唔做嘢，我哋就係要承受呢個惡果。」那票控失敗，到底是否弄巧成拙？蘇春就說：「我冇虧欠香港街頭藝人，因為我盡咗力去捍衞街頭藝人嘅名譽，責任喺政府度。」
蘇春就認為兩次票控失敗，其實是政府就街頭表演研究和規劃的黃金機會，讓香港文化產業揚威國際，甚至有望與軟文化見稱的韓國比拼。然而，政府非但未有銳意利用，反不停縮減旺角行人專用區開放時間，甚至殺街。蘇春就批評政府沒有遠見：「一條咁有表演潛質嘅街你唔做好佢，反而叫我哋等西九。應該係做好呢條街，有個示範作用，再帶入西九。依家係本末倒置。」他慨嘆政府不斷蹉跎歲月，讓香港的文化產業不進反退：「街又殺，西九呢個大白象到依家仲起緊工程，我唔覺得有生之年會見到西九有街頭表演。」
蘇春就建議，透過落實街頭藝人考核和發牌制度，配合表演區時段、區域和噪音規管，才可把菜街撥亂反正。有反對聲音指這將變相形成監管和篩選，杜絕大眾在公共空間的表演權利，蘇春就直斥這種說法是陰謀論。「我反問返你，你係咪對自己表演冇信心？」他亦認為制度絕對必要，「你哋係咪咁自律先？你搵個阿婆霸場霸足4至10點，合唔合理先？你話雅俗共賞，表演質素係見仁見智，我唔接受。呢刻我見到嘅，我唔會稱之為『藝人』，只係一班冇修養嘅人，令香港蒙羞，我參與其中亦侮辱咗我。唔好濫用自由」。
然而，早已遠離塵囂旺角，遊走於香港各處找尋表演空間的蘇春就，亦表示贊成殺街。他無奈指：「當然會有個美好想像：政府殺街後，會有個冷靜期，諗一套完善計劃，將一切推倒重來。」但他同時亦認為自己是一廂情願。「政府根本覺得文化藝術冇經濟效益，冇心去改變。呢刻我睇唔到出路，咁不如殺街，早百年前就要殺街」。
現年58歲的蘇春就是海洋公園小丑學堂首屆畢業生，精通默劇、雜技、魔術、花式氣球、踩高蹺等各種表演。渴望打造一條香港表演街道的他，自2005年起恒常到西洋菜街表演雜技。身體力行，只因相信街頭表演對社會有益無害，「街頭表演係免費大眾節目，畀基層都有娛樂，彼此亦有交流空間，可以令社會和諧」。
「你話雅俗共賞，表演質素係見仁見智，我唔接受。」
然而，蘇春就的一番好意，換來屢遭驅趕和票控下場。商舖報警，管理公司往街上倒水，警方用盡軟硬兼施手法趕他離開，多年來他已見怪不怪。至2006年和2010年，蘇春就分別因在菜街表演「吞火」和在銅鑼灣行人專用區表演，遭警方指他違反《簡易治罪條例》第4條（23）節，即在任何公眾地方對他人或交通造成滋擾或阻礙。雖然兩次票控，都被裁定罪名不成立，算是為街頭藝人討回公道，但蘇春就卻預視到這將是菜街噩夢的開端。
菜街自此變得光怪陸離，大媽和巨型音響紛紛進駐，包括蘇春就等一眾開荒街頭藝人陸續撤離。蘇春就指自己在2010年打贏官司時，已想像到這個局面：「大家知道咗原來基本法34條係保障香港市民喺公共空間展現文化藝術，但冇考核制度，政府唔做嘢，我哋就係要承受呢個惡果。」那票控失敗，到底是否弄巧成拙？蘇春就說：「我冇虧欠香港街頭藝人，因為我盡咗力去捍衞街頭藝人嘅名譽，責任喺政府度。」
蘇春就認為兩次票控失敗，其實是政府就街頭表演研究和規劃的黃金機會，讓香港文化產業揚威國際，甚至有望與軟文化見稱的韓國比拼。然而，政府非但未有銳意利用，反不停縮減旺角行人專用區開放時間，甚至殺街。蘇春就批評政府沒有遠見：「一條咁有表演潛質嘅街你唔做好佢，反而叫我哋等西九。應該係做好呢條街，有個示範作用，再帶入西九。依家係本末倒置。」他慨嘆政府不斷蹉跎歲月，讓香港的文化產業不進反退：「街又殺，西九呢個大白象到依家仲起緊工程，我唔覺得有生之年會見到西九有街頭表演。」
蘇春就建議，透過落實街頭藝人考核和發牌制度，配合表演區時段、區域和噪音規管，才可把菜街撥亂反正。有反對聲音指這將變相形成監管和篩選，杜絕大眾在公共空間的表演權利，蘇春就直斥這種說法是陰謀論。「我反問返你，你係咪對自己表演冇信心？」他亦認為制度絕對必要，「你哋係咪咁自律先？你搵個阿婆霸場霸足4至10點，合唔合理先？你話雅俗共賞，表演質素係見仁見智，我唔接受。呢刻我見到嘅，我唔會稱之為『藝人』，只係一班冇修養嘅人，令香港蒙羞，我參與其中亦侮辱咗我。唔好濫用自由」。
然而，早已遠離塵囂旺角，遊走於香港各處找尋表演空間的蘇春就，亦表示贊成殺街。他無奈指：「當然會有個美好想像：政府殺街後，會有個冷靜期，諗一套完善計劃，將一切推倒重來。」但他同時亦認為自己是一廂情願。「政府根本覺得文化藝術冇經濟效益，冇心去改變。呢刻我睇唔到出路，咁不如殺街，早百年前就要殺街」。
回應 (0)
