新聞類別
港聞
詳情#
【蘋果日報】【Cosplay人物】
講到cosplay服裝造工，隨意向ACG圈中人打聽，阿Fan的名字大概是出現頻率最高的幾人之一。待親眼見到實物，才知盛名之下無虛士。無論是頭盔、胸甲、抑或護脛，在燈光映照下質感十足，分色細膩而造型立體，彷彿片集中的幪面超人降臨現實世界。細問之下，18歲小伙子造皮套道具已有5年經驗，更憑手藝獲演藝學院取錄。深究其鑽研因由，卻是天真又簡單：「見到自己造咗套嘢出嚟，嘩真係好頂癮！」
記者︰佘錦洪
「特攝」本義為特殊攝影技術，但在日語中，則專門指以實景拍攝的超現實或科幻片集，阿Fan鍾情的《幪面超人》（Kamen Rider，暱稱「拉打」）就是特攝片的其中一例，「細個喺電視度睇到《幪面超人Decade》，覺得首歌幾好聽，於是就追返嚟睇」。因聽覺結緣，但他反而被當中的戲服吸引，「覺得啲皮套好靚」，從此「入坑」成為系列愛好者。
阿Fan稱小時候已經會按着動畫或特攝片中的內容，製作武器或道具等小配件，「喺手工上面有小小天份」。但真正由頭到腳造全套戲服，則始於5年前，「入咗啲整衫嘅（網上）群組，跟住網上啲教學，自己去諗點整」，前後僅花一個星期就完成第一套親手造的拉打皮套，成果卻是不堪回首，笑言：「基本上係連個型都錯晒。」
「冇整呢啲 可能冇朋友」
Coser對於忠於原著有一份執着。阿Fan表示，特攝片與其他動漫作品最大分別，在於前者是「真有其衫」，有專門的皮套師製作戲服，所以自己造出來的皮套是否像真「對一對就知」。為忠實還原原作，他連活動幅度、能否擺出招牌動作等，在設計時都要納入考慮，為此更曾專程到訪日本京都的東映太秦映畫村，只為近距離一睹拍攝拉打戲服真容。
以今年製作的幪面超人Evolt為例，阿Fan首先會在白紙畫出紙樣，再移印到戲服常用的EVA膠上，剪出需要的部份，用熱風槍屈出弧度並定型，再以黃膠黏合成型。他選擇以亮面人造皮革代替顏料上色，以還原原作金屬質感。去到頭盔部份尤其嚴謹，他採用成本較高的玻璃纖維倒模製作頭盔，「因為日本都係咁做」，前後失敗數次才完成，更花上個半月時間打磨，亦令整套服裝的成本由原本數千元飆至過萬元。「整到出嚟，個效果係值得嘅」。
製作不易，要穿上更需無比意志，因為不論是EVA膠抑或人造皮，均屬不透氣而保溫能力差的材料，夏天焗冬天凍。訪問當晚氣溫約30℃，阿Fan剛套上胸甲已經汗流浹背，更隨即向記者下達封殺令，「唔好影個樣」，除了是注重個人形象，大概是想旁人留意其作品，「如果出一套幪面嘅嘢，睇唔到個樣，大家就會將焦點放喺全身」，頓了一頓，又補充：「戴住頭盔，唔靚仔都唔會俾人笑。」
阿Fan予人一種鄰家男孩的感覺，面對鏡頭時靦腆，少許緊張亦有少許不自信，與Coser外向的形象截然不同。對於這一點，他自己大概也有同感，「如果冇整呢啲嘅話，我依家可能一個朋友都冇」。通過Cosplay，阿Fan獲得了不少人賞識，「滿足感係嚟自啲人嘅讚賞囉，啲人會話好還原啊，整得好靚咁，雖然我就唔覺得嘅……仲有進步嘅空間囉」。
面試官︰整到咁唔使嚟讀
17、18歲，正是人生的交叉點。阿Fan去年考畢DSE後未有繼續升學，而是斷續打散工，直到今年5月在朋友鼓勵下，提起勇氣報讀演藝學院，結果順利獲舞台及製作藝術學院取錄，「直接帶套甲過去畀佢（面試官）睇，佢第一個反應就係話『你整到咁唔使嚟我哋度讀』，佢話其實冇乜嘢可以教我。」他認為想技術進步，讀書是不可或缺的一環，「都係打返好個底，始終我都淨係上網學」，希望來年動漫節可以應用到新的技巧，「會試吓啲更廣泛嘅嘢，但可能未必係拉打」。
花心機花時間造出成品，阿Fan的初心相當簡單，「好似藝術家咁，見到件嘢好靚，好想親手令到呢件嘢誕生出嚟」，更希望可推廣拉打，令人知道所謂的超人不是不停打怪獸、英雄救美咁簡單，「其實每一套特攝都十分之有深度，有意想不到嘅劇情，古仔背後有獨特意義，平常睇開TVB嘅人無法想像」。
講到cosplay服裝造工，隨意向ACG圈中人打聽，阿Fan的名字大概是出現頻率最高的幾人之一。待親眼見到實物，才知盛名之下無虛士。無論是頭盔、胸甲、抑或護脛，在燈光映照下質感十足，分色細膩而造型立體，彷彿片集中的幪面超人降臨現實世界。細問之下，18歲小伙子造皮套道具已有5年經驗，更憑手藝獲演藝學院取錄。深究其鑽研因由，卻是天真又簡單：「見到自己造咗套嘢出嚟，嘩真係好頂癮！」
記者︰佘錦洪
「特攝」本義為特殊攝影技術，但在日語中，則專門指以實景拍攝的超現實或科幻片集，阿Fan鍾情的《幪面超人》（Kamen Rider，暱稱「拉打」）就是特攝片的其中一例，「細個喺電視度睇到《幪面超人Decade》，覺得首歌幾好聽，於是就追返嚟睇」。因聽覺結緣，但他反而被當中的戲服吸引，「覺得啲皮套好靚」，從此「入坑」成為系列愛好者。
阿Fan稱小時候已經會按着動畫或特攝片中的內容，製作武器或道具等小配件，「喺手工上面有小小天份」。但真正由頭到腳造全套戲服，則始於5年前，「入咗啲整衫嘅（網上）群組，跟住網上啲教學，自己去諗點整」，前後僅花一個星期就完成第一套親手造的拉打皮套，成果卻是不堪回首，笑言：「基本上係連個型都錯晒。」
「冇整呢啲 可能冇朋友」
Coser對於忠於原著有一份執着。阿Fan表示，特攝片與其他動漫作品最大分別，在於前者是「真有其衫」，有專門的皮套師製作戲服，所以自己造出來的皮套是否像真「對一對就知」。為忠實還原原作，他連活動幅度、能否擺出招牌動作等，在設計時都要納入考慮，為此更曾專程到訪日本京都的東映太秦映畫村，只為近距離一睹拍攝拉打戲服真容。
以今年製作的幪面超人Evolt為例，阿Fan首先會在白紙畫出紙樣，再移印到戲服常用的EVA膠上，剪出需要的部份，用熱風槍屈出弧度並定型，再以黃膠黏合成型。他選擇以亮面人造皮革代替顏料上色，以還原原作金屬質感。去到頭盔部份尤其嚴謹，他採用成本較高的玻璃纖維倒模製作頭盔，「因為日本都係咁做」，前後失敗數次才完成，更花上個半月時間打磨，亦令整套服裝的成本由原本數千元飆至過萬元。「整到出嚟，個效果係值得嘅」。
製作不易，要穿上更需無比意志，因為不論是EVA膠抑或人造皮，均屬不透氣而保溫能力差的材料，夏天焗冬天凍。訪問當晚氣溫約30℃，阿Fan剛套上胸甲已經汗流浹背，更隨即向記者下達封殺令，「唔好影個樣」，除了是注重個人形象，大概是想旁人留意其作品，「如果出一套幪面嘅嘢，睇唔到個樣，大家就會將焦點放喺全身」，頓了一頓，又補充：「戴住頭盔，唔靚仔都唔會俾人笑。」
阿Fan予人一種鄰家男孩的感覺，面對鏡頭時靦腆，少許緊張亦有少許不自信，與Coser外向的形象截然不同。對於這一點，他自己大概也有同感，「如果冇整呢啲嘅話，我依家可能一個朋友都冇」。通過Cosplay，阿Fan獲得了不少人賞識，「滿足感係嚟自啲人嘅讚賞囉，啲人會話好還原啊，整得好靚咁，雖然我就唔覺得嘅……仲有進步嘅空間囉」。
面試官︰整到咁唔使嚟讀
17、18歲，正是人生的交叉點。阿Fan去年考畢DSE後未有繼續升學，而是斷續打散工，直到今年5月在朋友鼓勵下，提起勇氣報讀演藝學院，結果順利獲舞台及製作藝術學院取錄，「直接帶套甲過去畀佢（面試官）睇，佢第一個反應就係話『你整到咁唔使嚟我哋度讀』，佢話其實冇乜嘢可以教我。」他認為想技術進步，讀書是不可或缺的一環，「都係打返好個底，始終我都淨係上網學」，希望來年動漫節可以應用到新的技巧，「會試吓啲更廣泛嘅嘢，但可能未必係拉打」。
花心機花時間造出成品，阿Fan的初心相當簡單，「好似藝術家咁，見到件嘢好靚，好想親手令到呢件嘢誕生出嚟」，更希望可推廣拉打，令人知道所謂的超人不是不停打怪獸、英雄救美咁簡單，「其實每一套特攝都十分之有深度，有意想不到嘅劇情，古仔背後有獨特意義，平常睇開TVB嘅人無法想像」。
回應 (0)
