公司福利多　每日提供手工啤

【蘋果日報】不少科技企業內的康樂設施均一應俱全。Vyond的員工福利當然亦有跟上潮流！「我哋有時會一齊打乒乓波、玩三國殺、出去篤波、擲鏢、飲啤酒。」Vyond創辦人洪耀基（Alvin）指，公司上班時間有彈性，甚至可以在家工作（Home-office），「俾同事自己控制工作模式，我覺得係最好嘅方法，令佢哋發揮自己所長。」
講到啤酒，他強調公司提供的啤酒，「全部係手工啤酒，係excellent問題，我係想同事不斷令自己更強更好，所以絕非粗製濫造嘅啤酒。」公司飲酒，不怕同事飲醉？「唔驚嘅，個啤酒機6點先開機。當然係星期一至五都有，放假都有。」
一次水浸　所有電腦報銷
創業路艱難，Alvin憶述，當年公司要由牛頭角車房搬新辦公室，所有電腦因水浸而報銷時，「所有電腦主機當時就擺喺地下，全部都浸晒水，全部電腦一次過死晒，當時多得班同事幫手，走晒去高登買零件，十幾個同事就變晒砌機高手……三日後公司可以完全運作。」