新聞類別
娛樂
詳情#
【蘋果日報】「他知道，哭是沒有用的。」相信大家都一定睇過呢篇潮文，文中就講到謝霆鋒98年4月拍《新古惑仔之少年激鬪篇》嗰時受傷，要去到醫院縫針，仲講到最後一針係佢自己縫！呢篇係潮文來源係邊度？到現時都係一個謎，但日前潮文「真實版」出土喇！
日前ViuTV播出嘅《鋒味》，霆鋒喺節目係咁樣同火火講嘅：「嗰陣時我同劉偉強導演傾傾下偈，突然發現我對白飯魚都係紅色，一倒出嚟，係半隻鞋可以倒血。原來係腳眼（爆）開咗。」當時劉偉強叫佢快去睇醫生，但霆鋒話：「年少氣盛的我，再加上有責任感，『冇事，我會繼續拍！』跟住我哋兩個繼續嗌交，我說：『冇事！繼續拍！幫我洗傷口！』幫我洗傷口嗰個工作人員，喺地下執咗隻拖鞋，俾我咬住佢。我想話唔好，導演兜頭就打一巴：『咬住佢！』洗完傷口，其實已經見到白色嘅骨，佢咃幫我用大力膠布喺大髀紮住，紮到佢唔流血。」
之後拍咗五個鐘，終於去醫院。醫生話：「靚仔，我哋同你縫（針），唔代表你身體入面係冇破傷風菌。如果有的話，我哋係要幫你斬咗隻腳，或者係會有人命危險。」縫到最後一針，戲肉嚟喇，霆鋒話自己同醫生講：「我乜都試過，就係縫針未試過，不如你俾我自己縫啦！」「醫生望住我，唉，真係覺得我冇得救。」
其實喺98年4月意外發生後，霆鋒曾經接受傳媒訪問提過當日受傷情況。佢話事發嗰晚喺某地盤拍戲，不慎俾生銹鐵枝割傷腳眼，血流如注，但仲堅持繼續拍，受傷六小時後始到醫院治理，卒之要縫四針兼食藥。究竟係霆鋒將潮文當係真，定係真係發生過咁嘅事？
日前ViuTV播出嘅《鋒味》，霆鋒喺節目係咁樣同火火講嘅：「嗰陣時我同劉偉強導演傾傾下偈，突然發現我對白飯魚都係紅色，一倒出嚟，係半隻鞋可以倒血。原來係腳眼（爆）開咗。」當時劉偉強叫佢快去睇醫生，但霆鋒話：「年少氣盛的我，再加上有責任感，『冇事，我會繼續拍！』跟住我哋兩個繼續嗌交，我說：『冇事！繼續拍！幫我洗傷口！』幫我洗傷口嗰個工作人員，喺地下執咗隻拖鞋，俾我咬住佢。我想話唔好，導演兜頭就打一巴：『咬住佢！』洗完傷口，其實已經見到白色嘅骨，佢咃幫我用大力膠布喺大髀紮住，紮到佢唔流血。」
之後拍咗五個鐘，終於去醫院。醫生話：「靚仔，我哋同你縫（針），唔代表你身體入面係冇破傷風菌。如果有的話，我哋係要幫你斬咗隻腳，或者係會有人命危險。」縫到最後一針，戲肉嚟喇，霆鋒話自己同醫生講：「我乜都試過，就係縫針未試過，不如你俾我自己縫啦！」「醫生望住我，唉，真係覺得我冇得救。」
其實喺98年4月意外發生後，霆鋒曾經接受傳媒訪問提過當日受傷情況。佢話事發嗰晚喺某地盤拍戲，不慎俾生銹鐵枝割傷腳眼，血流如注，但仲堅持繼續拍，受傷六小時後始到醫院治理，卒之要縫四針兼食藥。究竟係霆鋒將潮文當係真，定係真係發生過咁嘅事？
回應 (0)
