新聞類別
財經
詳情#
【蘋果日報】國務院兩句說話為市場帶來久違的生氣，「積極財政政策應更積極，穩健貨幣政策須適度」，刺激內銀、原材料及基建股在周二急漲，無論你信唔信這個政策的效用，市場確實反彈了，淡友在七月威足大半個月，有持貨的戰友要在今月力保不失，相當困難，所以在結算前兩家形勢互換一陣，事後mode睇都好正常吖，至於持續幾耐，彈力有幾強，等多幾日就知喇。
反彈從來都是難以捉摸，無論是指數或是個股，上面的蟹貨肯定不少，最衰就係當大家確認係反彈，諗住可以搵幾隻股炒幾日，就係蟹貨出籠，升勢無以為繼之時，所以博反彈都係高手玩意，作為老散，應該好好利用這個機會減磅。通常反彈都係又急又快，減完可能會見更高價，如擔心錯失最佳沽貨時機，試下分兩注沽吧，但請謹記自己是趁反彈減持，而不是在牛市食糊兼走位，別抱着低位回補，或高位反手追貨的念頭。
報復式反彈的最佳例子一定是丘鈦（1478），上星期先創下18個月低位4.27元，點估得到佢今個星期公佈3D及指紋產品有重大突破，周二單日暴升五成，不過回帶睇番5月出盈警前，個價係10蚊啊，盈警後翌日跌三成，見7蚊，當日沽空量係上市以來最高，有1,033萬股，平均價7.37元，有理由相信暴升的其中一個動力，就是來自這個巨量沽空。不過如果你是盈警前買入，現時只係由超大鑊變大鑊，仲輸緊三成呀，所以止蝕永遠是對的，由輸六成變三成的機會，萬中無一。
不過從企業管治的角度看，丘鈦就做得不錯，就以5月發盈警及今次為例，兩次都見唔到有春江鴨先行一步。同個市一樣，反彈過後仍要回歸現實，丘鈦事先張揚上半年蝕錢，下月派成績表後再審視前景吧。
青冰
http://fb.com/chingbing888
本欄逢周四刊出
反彈從來都是難以捉摸，無論是指數或是個股，上面的蟹貨肯定不少，最衰就係當大家確認係反彈，諗住可以搵幾隻股炒幾日，就係蟹貨出籠，升勢無以為繼之時，所以博反彈都係高手玩意，作為老散，應該好好利用這個機會減磅。通常反彈都係又急又快，減完可能會見更高價，如擔心錯失最佳沽貨時機，試下分兩注沽吧，但請謹記自己是趁反彈減持，而不是在牛市食糊兼走位，別抱着低位回補，或高位反手追貨的念頭。
報復式反彈的最佳例子一定是丘鈦（1478），上星期先創下18個月低位4.27元，點估得到佢今個星期公佈3D及指紋產品有重大突破，周二單日暴升五成，不過回帶睇番5月出盈警前，個價係10蚊啊，盈警後翌日跌三成，見7蚊，當日沽空量係上市以來最高，有1,033萬股，平均價7.37元，有理由相信暴升的其中一個動力，就是來自這個巨量沽空。不過如果你是盈警前買入，現時只係由超大鑊變大鑊，仲輸緊三成呀，所以止蝕永遠是對的，由輸六成變三成的機會，萬中無一。
不過從企業管治的角度看，丘鈦就做得不錯，就以5月發盈警及今次為例，兩次都見唔到有春江鴨先行一步。同個市一樣，反彈過後仍要回歸現實，丘鈦事先張揚上半年蝕錢，下月派成績表後再審視前景吧。
青冰
http://fb.com/chingbing888
本欄逢周四刊出
回應 (0)
