譚俊彥減十磅唔操肌

【蘋果日報】譚俊彥、鄧佩儀（Gloria）與Rosemary等昨日於機場出席貴賓室開幕活動，消瘦不少的俊彥原來是為新劇減磅，他說：「因為新劇需要，監製唔畀我大隻，我要成日跑步，會同山聰一齊跑，佢梗大隻，我就瘦，依家瘦咗十幾磅，啲衫都唔啱着，冇以前咁健康，拍完會變番自己，想大隻番。」
下周一38歲生日的俊彥，打算跟老婆慶祝，他說：「太太會陪我，女會嫁、仔會娶，佢梗係投資喺我身上。」問到夫妻關係如何維繫？俊彥說：「好多嘢都要keep，就算有仔女，尤其呢行好忙，唔可以唔理對方，要付出多啲時間維持夫妻關係。」難怪身旁的Gloria大讚俊彥好男人，俊彥即主動要做媒人，介紹好男仔給Gloria。
採訪：羅慧敏
攝影：陳俊強