妻兒返加探親　陳豪：囉囉攣

【蘋果日報】陳豪、湯鎮業孖仔湯君慈及湯君耀等昨日到尖沙嘴出席寶馬香港50周年「JOY IS TIMELESS禮悅同行」活動，陳豪以型男造型現身，又即場扭期間限定汽車閃卡。他笑指家中的BB車多過汽車：「最近仲諗緊買單車畀囝囝，我曾幾何時都揸開篷車，但自從有小朋友後就割愛換七人車。」
陳豪直言現時買車都以家人為主：「邊有可能唔諗，我屋企成隊軍隊咁㗎嘛。我又唔覺得係犧牲，有細路之後，佢哋佔我好大priority，而且我好現實，車由買嗰刻已經開始貶值。」他又呻太太陳茵媺與仔女返加拿大探親感到不習慣：「平時冇得瞓，依家瞓到唔想瞓，仲成日囉囉攣。」湯鎮業孖仔都有車牌，但大孖表示不敢在港揸車，細孖說：「我都係揸車接送爸爸媽媽去機場咋。」
採訪：盧妹
攝影：林賓尼