志雲為謝安琪得罪六嬸

【蘋果日報】陳志雲一連四場「志雲尋志雲登陸舞台演嘢會」前晚尾場，謝安琪（Kay）及古巨基任表演嘉賓。志雲爆曾幫Kay爭取演出機會，結果被六嬸方逸華鬧，因為當時Kay未紅。而基仔聽到志雲回憶過去84個月受官司困擾時，一度眼濕濕。
志雲在慶功宴受訪，講到當年被方逸華鬧，志雲說：「最深刻一次做港姐騷，方小姐拉我去角位叫我睇吓個台，問我點睇，其實我哋做電視，主要係點睇個螢幕，有啲地方係睇唔到，佢話唔理，叫得人嚟睇就唔可以咁樣，所以以後港姐舞台都要佢過目。」
對於現時港姐質素，志雲坦言好多不知道名字，揶揄余詠珊說：「佢話好精采，但係機制就未知，可見傳媒千變萬化好難做。」
採訪：張俊銘
攝影：沈健程