新聞類別
財經
詳情#
【蘋果日報】乜又係你呀？香港人！上周五，日本厚生勞動省發表2017年度全球平均壽命報告，香港連續三年成為最長壽之都，女性平均87.66歲，男性平均81.7歲。
之前一日，香港公共年金開賣，港府呢趟啱晒timing，話晒年金係對沖長壽風險嘅工具。之但係，開賣幾日，反應依然麻麻。
本來廿歲出頭開始工作，65歲退休，夠期攞返強積金，又夠秤買年金，可以無縫交接，自製長糧，點解大家唔吼？怕政府搵笨囉！
皆因：一，十年先至回本（計及退保價值）；二，中途退保要蝕；三，身故七折回水；四，唔按通脹調整。而且，年紀大機器壞，要留返筆錢醫病。
咁係咪買唔過？又唔一定。十年可以回本，意味75歲打後淨賺；退保、身故攞返嘅錢，亦比私營年金為多；至於通脹，市面只有iBond對抗通脹，其他投資產品一樣無符。如果剛啱退休，有筆錢又唔知投資咩好，不妨買多少；超過75歲就無乜着數，始終買年金係鬥長命嘅遊戲。
對於識得投資嘅人，公共年金未必吸引。不過，近排投資市場危機四伏，易蝕難賺。中美貿易戰升級，「白臉」總統特朗普拋出5,050億美元關稅注碼晒冷，「紅臉」財長姆欽就話有得傾，又話唔使擔心貨幣戰，股匯市場食驚風散。周一，A股升1.1%，港股升0.1%。
貿易戰之外，特朗普鬧聯儲局，人行同財政部嗌交，都令市場O嘴。唔好睇小特朗普對美元噴口水，佢往往開口中，比大行更「神」！上年初佢話美元太強、今年初佢話美元會越嚟越強，美元都聽佢支笛走。講開「神」，不如睇吓教會嘅投資策略有無啟示。
英國教會以「保衞神之造物」為由，宣告將無應對氣候變化嘅能源股，由1,200億英鎊嘅投資組合中剔除。話時話，貿易戰有損經濟，能源股亦會受損。吼能源股不如吼盈喜股，上周內險股相繼發盈喜，市場對平保（2318）有憧憬，不妨留意。
割柑人
本欄逢周二刊出
之前一日，香港公共年金開賣，港府呢趟啱晒timing，話晒年金係對沖長壽風險嘅工具。之但係，開賣幾日，反應依然麻麻。
本來廿歲出頭開始工作，65歲退休，夠期攞返強積金，又夠秤買年金，可以無縫交接，自製長糧，點解大家唔吼？怕政府搵笨囉！
皆因：一，十年先至回本（計及退保價值）；二，中途退保要蝕；三，身故七折回水；四，唔按通脹調整。而且，年紀大機器壞，要留返筆錢醫病。
咁係咪買唔過？又唔一定。十年可以回本，意味75歲打後淨賺；退保、身故攞返嘅錢，亦比私營年金為多；至於通脹，市面只有iBond對抗通脹，其他投資產品一樣無符。如果剛啱退休，有筆錢又唔知投資咩好，不妨買多少；超過75歲就無乜着數，始終買年金係鬥長命嘅遊戲。
對於識得投資嘅人，公共年金未必吸引。不過，近排投資市場危機四伏，易蝕難賺。中美貿易戰升級，「白臉」總統特朗普拋出5,050億美元關稅注碼晒冷，「紅臉」財長姆欽就話有得傾，又話唔使擔心貨幣戰，股匯市場食驚風散。周一，A股升1.1%，港股升0.1%。
貿易戰之外，特朗普鬧聯儲局，人行同財政部嗌交，都令市場O嘴。唔好睇小特朗普對美元噴口水，佢往往開口中，比大行更「神」！上年初佢話美元太強、今年初佢話美元會越嚟越強，美元都聽佢支笛走。講開「神」，不如睇吓教會嘅投資策略有無啟示。
英國教會以「保衞神之造物」為由，宣告將無應對氣候變化嘅能源股，由1,200億英鎊嘅投資組合中剔除。話時話，貿易戰有損經濟，能源股亦會受損。吼能源股不如吼盈喜股，上周內險股相繼發盈喜，市場對平保（2318）有憧憬，不妨留意。
割柑人
本欄逢周二刊出
回應 (0)
