李龍基孖葉振棠開騷：一嚟就打

【蘋果日報】李龍基、葉振棠、陳浩德將於9月在伊館舉行《三生有幸》演唱會，昨日在葵涌進行綵排，即席演繹《千個太陽》及《雪中情》。
三人名曲眾多，今次每人大約唱十首歌，揀歌充滿難度，不過他們都說最重要令觀眾開心。三位小生相識幾十年，基哥表示幾乎內褲調轉穿，又說和棠哥玩模型飛機有共同嗜好。問到三位小生會否意見不合？基哥醒目回應：「我哋一嚟就打……打情罵俏嗰種，我哋一向老友，睇呢啲睇得好淡，唔會爭先恐後。」德哥則說：「我就更加冇得拗，三個最細係我，我叫德仔。」基哥亦自稱基仔，棠哥惟有認大佬，並風趣表示大家已經可以用兩蚊坐車，平時三個人間中會去外地登台當去旅行。
採訪：卓寶花
攝影：葉君海