柯清輝：乜投資都唔諗住

【蘋果日報】恒生銀行（011）前大班兼思捷（330）主席柯清輝，日前為次子柯百達有份投資的巨人金服，與騰融金創（ITF）合作而撐場站台。柯清輝接受本報訪問時笑說，雖然金融科技潛力無限，但自己已經退休「落後咗」，「唔會瞓身落去」。三年前正值港股大時代，他動用逾2億元「私己錢」，入股新灃集團（1223）成為第二大股東，但刻下中美貿易戰世界「立立亂」，他認為要「持盈保泰，揸現金緊要啲，乜嘢投資都唔應該諗住」。
現年69歲的柯清輝，人稱「柯大俠」，亦是銀行界有名的「多仔公」，本身有四位公子，二仔柯百達為四個兒子中目前唯一投身金融科技業。
柯清輝於2009年退任恒生副主席兼行政總裁，但退而未休，在市場仍然活躍，先後出任多間上市公司非執行主席及獨董。2015年中他斥資2.2億元，以每股0.6元入股新灃（持股量17.6%），上周五新灃收報1.16元。
無人知貿易戰如何演變
當日港股大時代，人人都化身股神投資搵食，當下中美貿易戰戰火正濃，市場波譎雲詭，他表示不宜趁低撈貨，「乜嘢投資都唔應該諗住」，因為這場貿易戰無人會知道如何演變，投資者最好是「持盈保泰」，以前「投資落的照舊投資（持有）」。他說三年前入股新灃亦屬長線投資，至今「一股都冇賣過」。
有資金、有銀行界深厚經驗兼人脈網絡的「柯大俠」，既然看好金融科技及虛擬銀行前景，會否與熟悉Fintech的柯百達，組「父子檔」兩仔爺拍住上做大ITF，或另闢平台甚至跟傳統銀行合作合資？
柯清輝認為一切言之過早，又強調自己是退休人士，「唔諗呢啲嘢嘞」，金融科技確有很大發展潛力，但「梗係等年輕人去發展」，他本身「唔會有乜太大興趣」，亦「唔會瞓身落去」，日前亮相主要是作為父親支持下個仔，他平日除了擔任幾間上市公司非執行主席或獨董外，閒來亦會弄孫為樂。
早前柯百達入股金融科技企業ITF，成為最大單一股東，旗下巨人金服亦設有金融電子平台，日前與ITF簽署合作協議，但「柯大俠」並無參與兒子的投資。
記者：劉美儀