岑麗香簽祖藍恨拍電影

【蘋果日報】岑麗香昨日在將軍澳出席「玩轉日夜『迷』城」揭幕禮，香香離巢無綫個多月，昨日她公佈新去向，透露已簽約王祖藍公司。香香剛於加拿大休息個多月，她說：「呢個月過得好完美，返嚟香港都係好期待嘅心態。七年前簽嘅約，過咗七年就自自然約滿，啱啱簽咗祖藍公司，自己演咗咁多年戲，都想拍戲，用咗七年學廣東話，依家可以學普通話，去內地發展。」
問到加盟價與年期，香香均沒有透露，至於現時是否比較自由？香香說：「因為自己需要多方面時間，可以探屋企人，依家可以做到。」至於有指她離巢為生B？香香說：「又唔係，努力緊，唔止香港，加拿大等地都有人留言，不過催完都叫我順其自然。」
採訪：羅慧敏
攝影：林賓尼