義工進駐照顧格力犬 逸園前員工轟四太無賠償

【蘋果日報】澳門逸園賽狗場周六凌晨正式結業，場地由政府接管，場內500多隻格力犬暫由民政總署和動保團體照顧。民署指，昨早連同義工及民署獸醫等共90人照顧格力犬，料暫管工作維持至少10天。
而早上亦有多名逸園員工在對出花圃聚集。狗場客戶服務部主管陳小姐指，到場的包括清潔、雜工等同事，為數約60人，因從新聞得知「啲狗吠得好緊要」，公司和同事均非常擔心狗隻的狀況，「叫我哋一早嚟standby（準備），（希望）可以入到去照顧犬隻」，認為由員工繼續照顧狗隻是最好的做法。問到會否照出糧予員工，她則指「呢啲唔好講錢嘅問題，就算依家係返緊工，公司都會出糧畀我哋」。
一干人等隨後到逸園門外與徐裕輝交涉，惟遭拒絕進入。陳小姐及員工再回到花圃，有員工代表向員工宣佈周一將有招聘日，他們到場會獲優先考慮。惟有員工不滿逸園無提賠償及遣散費，一度鼓燥。任職狗伕30年的梁先生斥，「梗係不安，我哋都要生活，錢又未收，又未講賠償，咁我哋點呀？話介紹我去做，都要賠償先啦」，他要求逸園按法例賠償。