新聞類別
娛樂
詳情#
【蘋果日報】【P牌媽咪換尿片篇】最近李佳芯喺新劇《BB來了》，飾演本來係事業女性，點知忽然有咗，新手媽媽照顧BB鬧出唔少笑話，加上寫實嘅婆媳關係，令好多師奶們都身同感受。
林芊妤（Coffee）、吳日言（Yan）同利嘉兒（Lily）三位同樣係事業女性，同樣快當母親，BB出世後佢哋就變成「P牌媽咪」，照顧BB是每位母親的首要任務，所以三位趁BB未出世，先學習湊B技巧。之前三位學習如何餵奶及同幫BB掃風，今次就要挑戰【換尿片】技巧喇！
幫BB換片，看似只有幾個步驟，將BB平放，然後脫掉用過嘅尿片，再換上乾淨嘅尿片。咁究竟係咪真係咁容易，3分鐘搞掂？陪月課程導師林姑娘事為Coffee、Yan同Lily準備好3份BB換片時所需用品，再先讓三人用自己方法幫BB換尿片，結果Yan同Lily都將尿片前後方向反轉了，最熟手似乎係Coffee！
Yan同Lily笑住話，過去只幫狗仔換過尿片，Coffee就話以前幫姪仔換過，所以都有經驗，即場就使出「OK手」提起BB雙腳，又懂得將尿片腰間位向下反，以防尿片邊會碰到BB臍帶，導師都讚Coffee叻女。
Coffee又話，以前試過幫姪仔換片，結果被姪仔「斟茶」，導師林姑娘就教大家技巧，話如果BB係男仔，緊記鬆開尿片時，要先等等再揭開尿片，咁就可以避免「中招」。而總括今次嘅測試，林姑娘話Coffee較熟手，但Lily同Yan都合格，只係有啲小技巧要注意。
攝影：陳俊強
影片：葉君海、馮嘉銘
場地提供：香港人才培訓中心
陪月課程導師：林姑娘
林芊妤（Coffee）、吳日言（Yan）同利嘉兒（Lily）三位同樣係事業女性，同樣快當母親，BB出世後佢哋就變成「P牌媽咪」，照顧BB是每位母親的首要任務，所以三位趁BB未出世，先學習湊B技巧。之前三位學習如何餵奶及同幫BB掃風，今次就要挑戰【換尿片】技巧喇！
幫BB換片，看似只有幾個步驟，將BB平放，然後脫掉用過嘅尿片，再換上乾淨嘅尿片。咁究竟係咪真係咁容易，3分鐘搞掂？陪月課程導師林姑娘事為Coffee、Yan同Lily準備好3份BB換片時所需用品，再先讓三人用自己方法幫BB換尿片，結果Yan同Lily都將尿片前後方向反轉了，最熟手似乎係Coffee！
Yan同Lily笑住話，過去只幫狗仔換過尿片，Coffee就話以前幫姪仔換過，所以都有經驗，即場就使出「OK手」提起BB雙腳，又懂得將尿片腰間位向下反，以防尿片邊會碰到BB臍帶，導師都讚Coffee叻女。
Coffee又話，以前試過幫姪仔換片，結果被姪仔「斟茶」，導師林姑娘就教大家技巧，話如果BB係男仔，緊記鬆開尿片時，要先等等再揭開尿片，咁就可以避免「中招」。而總括今次嘅測試，林姑娘話Coffee較熟手，但Lily同Yan都合格，只係有啲小技巧要注意。
攝影：陳俊強
影片：葉君海、馮嘉銘
場地提供：香港人才培訓中心
陪月課程導師：林姑娘
回應 (0)
