新聞類別
財經
詳情#
【蘋果日報】旅遊書一直是書局的熱門貨，日韓星馬泰、英美意法德旅遊功略，確俯拾皆是。於今年書展，首次推出旅遊書周庭溎（Wilson），而在茫茫的旅遊書海之中，他卻選擇為一個冷門目的地出書－以色列。不少人聽到要到以色列旅遊，都會說：「不了！咁危險！」對於此，Wilson反指，「其實以色列唔係咁危險！」
現職公關的Wilson，六年間去過四次以色列，最後一次為出書取材，去年一去就去兩個月，基本上整個以色列，都留低了他的「腳毛」。提到自己「戀上」以色列的原因，就要講到2011年一宗交通意外，當時他準備過馬路，豈料一輛貨車失控撞壆，衝向Wilson，在千鈞一髮之際，「佢竟然停喺我前面一至兩米前，我望住佢停低。」在生死之間，他對自己信仰與人生產生疑惑，因此踏上尋找耶穌故鄉之旅，結果一去就愛上。
沙漠、死海、古城、教堂……要景有景，要做文青做到文青，如果閣下是教徒，行一轉耶路撒冷，絕對滿足到你朝聖的欲望，講到危險，Wilson表示「衝突只會發生喺邊境，遊客都唔會主動去呢啲地方。」不過，作為以色列旅遊專家的Wilson，於此中東國家，確實有過不少驚險故事，「當時喺加利利，我喺車站，身邊有個冇人認領嘅行李箱，跟住有個警察指住我話：『Bomb!Run！』」
香港人若然到以色列旅遊，人生路不熟，言語不通，不過Wilson指，當地人都算樂於助人，前提是…「猶太人係好特別，只要你唔好同佢有錢銀瓜葛，要佢賣人脈畀你，佢哋係好樂意嘅。」猶太人出名「數口精」，但有一個情況，是願意犧牲個人利益，「佢哋成日因為商業糾紛打官司，但每次國家有難，佢哋會即刻握手言和，話要去打仗，所以官司唔打住……猶太人面對太多危難，所以會處理得比較成熟。」
旅遊當然開心，但要出書，當然要下苦功，「每一張相都係我嘅心血！」Wilson指，出書最困難是所以資料都要重新整理，「英文網站、中文網站又好，以色列嘅資料好唔齊全，我要親身去睇個景點幾點開門、閂門，希伯來文地址、阿拉伯文地址準唔準確。」
為出書，他窮遊以色列兩個月，只花2.7萬元作旅費，機票用飛行里數換，又借宿朋友家，他表示，以色列物價事實上不低，一晚酒店普普通通都要千多至2000元。出錢出力為出書，Wilson雖未提及最終賺到多少版稅收入，但料需要至少賣出2000至3000本，出版社才有利可圖。不過Wilson對銷量仍有信心，近年有航空公司開辦以色列航線，吸引不少人前住，「去以色列嘅人好特別，去得嘅都唔理價錢。」
近年網上有大量旅遊影片KOL，問及為何寫字不拍片，他笑言：「片一瞬即逝，唔好睇真係冇人睇，而且我覺得我唔夠靚仔。」
現職公關的Wilson，六年間去過四次以色列，最後一次為出書取材，去年一去就去兩個月，基本上整個以色列，都留低了他的「腳毛」。提到自己「戀上」以色列的原因，就要講到2011年一宗交通意外，當時他準備過馬路，豈料一輛貨車失控撞壆，衝向Wilson，在千鈞一髮之際，「佢竟然停喺我前面一至兩米前，我望住佢停低。」在生死之間，他對自己信仰與人生產生疑惑，因此踏上尋找耶穌故鄉之旅，結果一去就愛上。
沙漠、死海、古城、教堂……要景有景，要做文青做到文青，如果閣下是教徒，行一轉耶路撒冷，絕對滿足到你朝聖的欲望，講到危險，Wilson表示「衝突只會發生喺邊境，遊客都唔會主動去呢啲地方。」不過，作為以色列旅遊專家的Wilson，於此中東國家，確實有過不少驚險故事，「當時喺加利利，我喺車站，身邊有個冇人認領嘅行李箱，跟住有個警察指住我話：『Bomb!Run！』」
香港人若然到以色列旅遊，人生路不熟，言語不通，不過Wilson指，當地人都算樂於助人，前提是…「猶太人係好特別，只要你唔好同佢有錢銀瓜葛，要佢賣人脈畀你，佢哋係好樂意嘅。」猶太人出名「數口精」，但有一個情況，是願意犧牲個人利益，「佢哋成日因為商業糾紛打官司，但每次國家有難，佢哋會即刻握手言和，話要去打仗，所以官司唔打住……猶太人面對太多危難，所以會處理得比較成熟。」
旅遊當然開心，但要出書，當然要下苦功，「每一張相都係我嘅心血！」Wilson指，出書最困難是所以資料都要重新整理，「英文網站、中文網站又好，以色列嘅資料好唔齊全，我要親身去睇個景點幾點開門、閂門，希伯來文地址、阿拉伯文地址準唔準確。」
為出書，他窮遊以色列兩個月，只花2.7萬元作旅費，機票用飛行里數換，又借宿朋友家，他表示，以色列物價事實上不低，一晚酒店普普通通都要千多至2000元。出錢出力為出書，Wilson雖未提及最終賺到多少版稅收入，但料需要至少賣出2000至3000本，出版社才有利可圖。不過Wilson對銷量仍有信心，近年有航空公司開辦以色列航線，吸引不少人前住，「去以色列嘅人好特別，去得嘅都唔理價錢。」
近年網上有大量旅遊影片KOL，問及為何寫字不拍片，他笑言：「片一瞬即逝，唔好睇真係冇人睇，而且我覺得我唔夠靚仔。」
回應 (0)
