李國寶聞判：好sad好sad

【蘋果日報】曾蔭權競選特首時擔任其競選辦主任的東亞銀行主席兼行政總裁李國寶，得悉裁決結果後只向記者回應了一句說：「我好sad，好sad。」然後就收線。聆訊期間到庭旁聽的前財政司長曾俊華則稱，對判決感到十分難過，身為朋友會繼續支持他，並向其家人致以慰問。
李永達：朋友有困難要支持
與曾蔭權相交多年的民主黨立法會前議員何俊仁及李永達昨早亦有到庭旁聽。李永達說：「我同曾蔭權識咗27年，1991年已經識佢嘞，作為朋友，點都好，（對方）點樣困難時候，唔多唔少都要畀少少支持。」他在開庭前與曾蔭權短暫交談，雙方沒談及此案，只是分享近況，「佢知道我去咗南美洲旅行，咪好輕鬆咁傾吓」。
李永達續稱，「梗係希望佢3個上訴都甩晒，依家有減刑，有啲堂費減咗，但最重要嗰樣（即定罪）冇推翻，（我）梗係唔開心啦」，他希望對方成功申請假釋，然後成功申請上訴至終院，「咁樣成件事都會對佢公道啲！」
另一位曾旁聽案件的專欄作家陶傑則認為，曾蔭權的刑期「有得減梗係好過維持原判」，希望他可及早出獄，又無奈稱：「係咁㗎喇，好難講㗎依家呢啲，如果係咁就希望法律面前人人平等啦。」