新聞類別
副刊
港聞
詳情#
【蘋果日報】有一個家庭，兩代人走出同樣的足迹，由惠州走到香港，幾十年間為無數家庭杜絕白蟻。豪言投身行業逾60載的李越強（強叔），外表老派，頭髮向後梳，穿着間條短袖恤衫，配上鬆身黑西褲，架上將眼睛放大好幾倍的老花眼鏡。不僅如此，他作風也很老派，多年來只認真做好眼前本份，終於換來「白蟻王」的稱譽。白蟻王自言從未要求兒子接手生意，但兜兜轉轉，3名兒子因為「老竇都老嘛，見佢咁操勞」這個老土理由，自告奮勇回家接手，繼承父親的杜白蟻事業。
記者：李晟謙
走進強叔的辦公室，愕然只見兩張寫字枱、幾張椅子、一張梳化，無異於一般的辦公室。人稱「白蟻王」，就算沒有杜蟻百寶工具，總收藏着十件八件秘密武器吧？「杜蟻好簡單啫，要支螺絲批、一個電筒，就係咁簡單」，73歲的強叔的自信，源自他逾60年的杜蟻經驗，這份經驗，要從惠州說起。祖籍惠州的強叔說，他的父親懂得捉白蟻，6兄弟姐妹中他是老大，當初學杜白蟻也非熱情，只是生活逼人，當是一門手藝，「嗰時幫人做（杜蟻）賺到錢，可以買嘢食嘛！」
「從來唔會推客，個個客都係皇帝嚟嘛，凌晨打嚟我一樣幫佢搞掂。」
18歲那年，強叔聽聞香港滿地機遇，於是隻身來港，落腳今油塘一帶的木屋區。雖然身在木屋區，似乎商機處處，奈何人生路不熟，空有一手杜蟻本領亦找不到生意。於是，想到既然要找生意，總不能隨便待在附近一帶，一做做到底，強叔索性走到新界、大嶼山等地，「譬如話今日去元朗，有八鄉之類嘛，我就逐條村去行，家家人去問：邊個有白蟻？用白色漆油寫，專係滅白蟻嘅，電話幾多」，每天來回交通花費4小時也是等閒事。
有麝自然香，強叔口碑好，慢慢口耳相傳，生意逐漸上軌道。七、八十年代單是木屋區已生意無憂，原本絕對有條件揀客，但強叔心態始於是一做做到底：「從來唔會推客，個個客都係皇帝嚟嘛，凌晨打嚟我一樣幫佢搞掂」，彼時香港工業蓬勃，不時有人凌晨2、3時開工發現有白蟻入侵，但只要一個電話，強叔永無托手肘，只為不負客人所託。
3個孩子呱呱落地後，強叔想孩子學一門手藝，於是帶他們開工杜蟻，言教身授這門技巧，「小學三、四年級帶（三兒子）到去客人個地址，就交畀佢哋，等佢哋搞，我落去公園吹笛子」。三兄弟輪流接受考核，鬥快找出蟻路及蟻窩，之後強叔逐個點評做得對與錯之處。
驅使3兄弟踴躍參與的不是愛也不是責任，而是為了食，「爸爸叫我哋鬥快搵出蟻竇，就可以有麥當勞食……細個冇諗咁多，當係一個遊戲咁，大家鬥快搵個答案出嚟。」強叔的二子李富華（華仔）這樣說。小時候，他們3兄弟放學便跟着父親去杜白蟻，「有時會係（去）大屋，有時甚至可以到船上」，四處開工便當周圍去旅行。
由細到大都要跟着父親開工，華仔不諱言青春期時有少少抗拒：「喺爸爸底下好多嘢唔畀做，可能出夜街唔畀你去，收工要返屋企，一係出去做嘢，一係留喺屋企唔好周圍走。」到兒子大學畢業前夕，強叔想到「起咁多高樓大廈，邊有咁多白蟻杜，可以維到兩餐？」他便主動要求3兄弟外闖最少兩年，「你唔去見識出面世界，淨係跟住我有乜用？你要識吓出面人情世故各方面」，他一直溫文的語氣突然鏗鏘有力，沒有半絲子承父業的要求。父子間的軌迹，第一次分開起來，直至那一天。
「有一日約咗朋友出去玩，有客人打嚟話好多白蟻飛出嚟，爸爸當日有啲不適但堅持去，呢一下感動咗我，我係咪應該幫佢手，減輕佢嘅辛勞？」華仔記得那一天是星期六，「揸返起支螺絲批，以前同爸爸一齊做嘢嘅記憶就返番嚟」。幸而現今家庭裝潢亦多用上木材，生意又長做長有，結果在他之後，大哥及細佬見狀亦相繼回來幫忙，父子間分開的軌道又再會合在一起。
不過，這次3兄弟不再是玩遊戲，強叔要求他們待客認真，「做得唔好我話㗎，我同佢講你出嚟跟我做，我就係你老闆，係屋企我先係你老竇，你唔好（出去）當咗我老竇亂咁嚟吖」，斥責語氣甚有威嚴。這份執着連華仔也不明白，「佢對嗰幾cm（厘米）好執着，佢會對佢做嘅嘢好嚴謹，總言之你個窿開歪咗少少，就已經話無咁好喎，咁樣會影響晒」，大概正正是這種舊式過得自己過得人的態度，撐起白蟻王的盛名。
「有啲豪宅或者屋要買賣，話畀人聽間屋有白蟻，唔使租唔使賣啦。」
但所謂嚴父出高徒，「我用用慣嘅螺絲批敲喺物件上，聽聲我就知道發生咗咩事」，3兄弟承傳了父親獨門手藝之餘，更盡得待人處事真傳，訪問當日他們恤衫筆挺，本以為是受訪原故，但原來日常開工身水身汗，他們也是同樣的衣着打扮，「有啲豪宅或者屋要買賣，話畀人聽間屋有白蟻，唔使租唔使賣啦」。即使這樣穿着令活動不方便，但為客人着想始終是他們第一位。
自從3名兒子幫手，強叔十多年前開始慢慢退居幕後，但強調自己永不言休，「完全唔理咁又唔得！有時都要睇吓佢哋做成點，問候一句都要嘛！」終歸是一生行業，總得維持水準，強叔就是要對得起人。二子華仔育有兩個兒子，問到會否希望兒子繼承衣鉢，他這樣答：「我會教識佢，始終都係一門手藝，都希望將手藝傳承畀佢哋。」這番話似曾相識，不正是強叔當年所講的嗎？
記者：李晟謙
走進強叔的辦公室，愕然只見兩張寫字枱、幾張椅子、一張梳化，無異於一般的辦公室。人稱「白蟻王」，就算沒有杜蟻百寶工具，總收藏着十件八件秘密武器吧？「杜蟻好簡單啫，要支螺絲批、一個電筒，就係咁簡單」，73歲的強叔的自信，源自他逾60年的杜蟻經驗，這份經驗，要從惠州說起。祖籍惠州的強叔說，他的父親懂得捉白蟻，6兄弟姐妹中他是老大，當初學杜白蟻也非熱情，只是生活逼人，當是一門手藝，「嗰時幫人做（杜蟻）賺到錢，可以買嘢食嘛！」
「從來唔會推客，個個客都係皇帝嚟嘛，凌晨打嚟我一樣幫佢搞掂。」
18歲那年，強叔聽聞香港滿地機遇，於是隻身來港，落腳今油塘一帶的木屋區。雖然身在木屋區，似乎商機處處，奈何人生路不熟，空有一手杜蟻本領亦找不到生意。於是，想到既然要找生意，總不能隨便待在附近一帶，一做做到底，強叔索性走到新界、大嶼山等地，「譬如話今日去元朗，有八鄉之類嘛，我就逐條村去行，家家人去問：邊個有白蟻？用白色漆油寫，專係滅白蟻嘅，電話幾多」，每天來回交通花費4小時也是等閒事。
有麝自然香，強叔口碑好，慢慢口耳相傳，生意逐漸上軌道。七、八十年代單是木屋區已生意無憂，原本絕對有條件揀客，但強叔心態始於是一做做到底：「從來唔會推客，個個客都係皇帝嚟嘛，凌晨打嚟我一樣幫佢搞掂」，彼時香港工業蓬勃，不時有人凌晨2、3時開工發現有白蟻入侵，但只要一個電話，強叔永無托手肘，只為不負客人所託。
3個孩子呱呱落地後，強叔想孩子學一門手藝，於是帶他們開工杜蟻，言教身授這門技巧，「小學三、四年級帶（三兒子）到去客人個地址，就交畀佢哋，等佢哋搞，我落去公園吹笛子」。三兄弟輪流接受考核，鬥快找出蟻路及蟻窩，之後強叔逐個點評做得對與錯之處。
驅使3兄弟踴躍參與的不是愛也不是責任，而是為了食，「爸爸叫我哋鬥快搵出蟻竇，就可以有麥當勞食……細個冇諗咁多，當係一個遊戲咁，大家鬥快搵個答案出嚟。」強叔的二子李富華（華仔）這樣說。小時候，他們3兄弟放學便跟着父親去杜白蟻，「有時會係（去）大屋，有時甚至可以到船上」，四處開工便當周圍去旅行。
由細到大都要跟着父親開工，華仔不諱言青春期時有少少抗拒：「喺爸爸底下好多嘢唔畀做，可能出夜街唔畀你去，收工要返屋企，一係出去做嘢，一係留喺屋企唔好周圍走。」到兒子大學畢業前夕，強叔想到「起咁多高樓大廈，邊有咁多白蟻杜，可以維到兩餐？」他便主動要求3兄弟外闖最少兩年，「你唔去見識出面世界，淨係跟住我有乜用？你要識吓出面人情世故各方面」，他一直溫文的語氣突然鏗鏘有力，沒有半絲子承父業的要求。父子間的軌迹，第一次分開起來，直至那一天。
「有一日約咗朋友出去玩，有客人打嚟話好多白蟻飛出嚟，爸爸當日有啲不適但堅持去，呢一下感動咗我，我係咪應該幫佢手，減輕佢嘅辛勞？」華仔記得那一天是星期六，「揸返起支螺絲批，以前同爸爸一齊做嘢嘅記憶就返番嚟」。幸而現今家庭裝潢亦多用上木材，生意又長做長有，結果在他之後，大哥及細佬見狀亦相繼回來幫忙，父子間分開的軌道又再會合在一起。
不過，這次3兄弟不再是玩遊戲，強叔要求他們待客認真，「做得唔好我話㗎，我同佢講你出嚟跟我做，我就係你老闆，係屋企我先係你老竇，你唔好（出去）當咗我老竇亂咁嚟吖」，斥責語氣甚有威嚴。這份執着連華仔也不明白，「佢對嗰幾cm（厘米）好執着，佢會對佢做嘅嘢好嚴謹，總言之你個窿開歪咗少少，就已經話無咁好喎，咁樣會影響晒」，大概正正是這種舊式過得自己過得人的態度，撐起白蟻王的盛名。
「有啲豪宅或者屋要買賣，話畀人聽間屋有白蟻，唔使租唔使賣啦。」
但所謂嚴父出高徒，「我用用慣嘅螺絲批敲喺物件上，聽聲我就知道發生咗咩事」，3兄弟承傳了父親獨門手藝之餘，更盡得待人處事真傳，訪問當日他們恤衫筆挺，本以為是受訪原故，但原來日常開工身水身汗，他們也是同樣的衣着打扮，「有啲豪宅或者屋要買賣，話畀人聽間屋有白蟻，唔使租唔使賣啦」。即使這樣穿着令活動不方便，但為客人着想始終是他們第一位。
自從3名兒子幫手，強叔十多年前開始慢慢退居幕後，但強調自己永不言休，「完全唔理咁又唔得！有時都要睇吓佢哋做成點，問候一句都要嘛！」終歸是一生行業，總得維持水準，強叔就是要對得起人。二子華仔育有兩個兒子，問到會否希望兒子繼承衣鉢，他這樣答：「我會教識佢，始終都係一門手藝，都希望將手藝傳承畀佢哋。」這番話似曾相識，不正是強叔當年所講的嗎？
回應 (0)
