陳友自爆扮觀眾入場

【蘋果日報】以溫拿樂隊的成長經歷做題材的電影《兄弟班》前日上映，該片導演兼編劇陳友前晚與演員王梓軒、林耀聲及鄧加樂到圓方戲院謝票，陳友表示電影首日上映即聽聞觀眾反應不錯，他更自爆早前扮觀眾入場測試反應，王梓軒則說：「到我哋入嚟謝票導演先企起身，全場觀眾都嚇一跳。」
陳友指最驚喜是有一位10歲小朋友追問是否仍會拍續集：「呢樣要問吓老闆，其實溫拿嘅故事即係香港人嘅故事，我哋幾十年嚟見證住香港嘅轉變，如果要再開我覺得要搵番原班人馬一齊再拍。」該片喺內地已上映，陳友續說：「好開心，內地反應都好好，之前喺廣州同佛山出席宣傳，觀眾反應同香港一樣。」
採訪：曹家誠
攝影：林賓尼