新聞類別
港聞
詳情#
【蘋果日報】【財經人物】海天堂5年前的遭遇，創辦人「鬍鬚佬」吳耀明形容是「911」，「差唔多係恐怖襲擊，真係好恐怖。」當年海天堂被指龜苓膏發霉、無龜板成份，營業額1個月內插水式跌70%，他削減中港兩地一半分店，捱足3年，年年蝕以千萬元計。死不了，仲頂得住，全靠早年買舖當儲蓄。他持有至少13間舖位，現市值5億元，有了自置舖，他坦言：「襟捱，冇咁易死！」近年分店數目略為回升，維持40至50間；過了一劫的他說：「能夠收支平衡已經阿彌陀佛！」
記者：陳家雄
傳媒在2013年鋪天蓋地報道海天堂醜聞，鬍鬚佬至今難忘：「個日係9月11日，我哋叫911事件囉！差唔多係恐怖襲擊，真係好恐怖！」他一邊擰頭，一邊回憶說：「當時心中有團火，呢場係劇烈戰爭，係長久戰，唔係一、兩日，我話畀自己知，必須將怒火撲滅去打呢場仗。」
其後爆發退券潮，「大鑊！真係退券，係好犀利。我唯一最聰明嘅選擇係，你退幾多，我退畀你，我唔想客人有怨氣。佢聽到新聞，唔多唔少有疑問……我覺得梗有一日佢會返嚟。」當時北上耕田、與友飲酒、日日打牌，「盡量令心中怒火熄滅，人自然安靜，如果唔係會病，一病，呢場仗輸梗。」他曲線多謝家人支持：「屋企人驚我得閒，擔心我諗多，啱啱一家四口湊夠一枱，係咁打牌」。
「堅持先至有一日令自己清白，唔堅持永遠唔清白」
營業額一個月內插水式跌七成以上，出街被鬧「呃人」，「以前行出街個個同我影相傾計，好friend㗎嘛」，眼淚心裏流。他找知名公關公司打救，但獲回覆：「冇得救」，數個財團欲收購，他記得當時話：「我捱吓睇吓點先啦，多謝你好意！」他深信：「堅持先至有一日令自己清白，唔堅持永遠唔清白。」
選擇捱打，中港分店削半，香港80多間分店3年間削剩30多間。大陸雖然也慘淡，但內地舖位轉讓有頂手費，猶如還魂丹，400多間削一半，將換來的頂手費養活剩低的一半分店，半年過危險期，其後幫補香港區。
另外，鬍鬚佬還找來盧海鵬拍段自己慘遭陷害的廣告，之後再沒拍「中國人不再東亞病夫」、「鞭鞭有力」等宣傳片。可削則削，但盡量不炒人，「2013年我第一時間加人工，我同佢哋講，我唔知道前路係點，未必繼續前進，睇天，但係我一日有能力，我都會做」。
捱打3年，年年蝕以千萬元計，點捱？鬍鬚佬話：「平時冇乜投資，亦唔識投資，一味買舖，見平啲就買落。呢行生意，店舖成本佔最大，租一貴或者到咁上下又加，搞唔掂又要走。有呢個經驗，啱就買啲舖。積蓄就花係呢方面，必要時用返自己啲舖。」這個策略救了海天堂。
他在事發前3年連掃6個民生舖位，早有先兆？他回應：「我不嬲都居安思危，花無百日紅，唔係我聞到有味，係我不嬲作風。」
商戰投資從無師傅，「點解咁鍾意買舖？呢間（佐敦寶靈街分店）係當初傾盡所有積蓄去買，投資自己教自己。客要慢慢儲，唔係一做就風生水起，冇咁順㗎！儲到客，被人逼遷，啲客唔知去邊搵你，呢樣嘢係好弊！一定要有竇，今日儲一個，聽日儲一個」。
「911事件」的落幕，在於城大前教授收回海天堂無龜板言論，海天堂的生意終於慢慢回升，「生意慢慢上返嚟，因為成本低咗，店舖都少咗」，不過難以重返高峰，目前本港維持40多間分店，「能夠收支平衡已經阿彌陀佛！（打贏仗未？）已經係贏咗一大半啦！」
記者：陳家雄
傳媒在2013年鋪天蓋地報道海天堂醜聞，鬍鬚佬至今難忘：「個日係9月11日，我哋叫911事件囉！差唔多係恐怖襲擊，真係好恐怖！」他一邊擰頭，一邊回憶說：「當時心中有團火，呢場係劇烈戰爭，係長久戰，唔係一、兩日，我話畀自己知，必須將怒火撲滅去打呢場仗。」
其後爆發退券潮，「大鑊！真係退券，係好犀利。我唯一最聰明嘅選擇係，你退幾多，我退畀你，我唔想客人有怨氣。佢聽到新聞，唔多唔少有疑問……我覺得梗有一日佢會返嚟。」當時北上耕田、與友飲酒、日日打牌，「盡量令心中怒火熄滅，人自然安靜，如果唔係會病，一病，呢場仗輸梗。」他曲線多謝家人支持：「屋企人驚我得閒，擔心我諗多，啱啱一家四口湊夠一枱，係咁打牌」。
「堅持先至有一日令自己清白，唔堅持永遠唔清白」
營業額一個月內插水式跌七成以上，出街被鬧「呃人」，「以前行出街個個同我影相傾計，好friend㗎嘛」，眼淚心裏流。他找知名公關公司打救，但獲回覆：「冇得救」，數個財團欲收購，他記得當時話：「我捱吓睇吓點先啦，多謝你好意！」他深信：「堅持先至有一日令自己清白，唔堅持永遠唔清白。」
選擇捱打，中港分店削半，香港80多間分店3年間削剩30多間。大陸雖然也慘淡，但內地舖位轉讓有頂手費，猶如還魂丹，400多間削一半，將換來的頂手費養活剩低的一半分店，半年過危險期，其後幫補香港區。
另外，鬍鬚佬還找來盧海鵬拍段自己慘遭陷害的廣告，之後再沒拍「中國人不再東亞病夫」、「鞭鞭有力」等宣傳片。可削則削，但盡量不炒人，「2013年我第一時間加人工，我同佢哋講，我唔知道前路係點，未必繼續前進，睇天，但係我一日有能力，我都會做」。
捱打3年，年年蝕以千萬元計，點捱？鬍鬚佬話：「平時冇乜投資，亦唔識投資，一味買舖，見平啲就買落。呢行生意，店舖成本佔最大，租一貴或者到咁上下又加，搞唔掂又要走。有呢個經驗，啱就買啲舖。積蓄就花係呢方面，必要時用返自己啲舖。」這個策略救了海天堂。
他在事發前3年連掃6個民生舖位，早有先兆？他回應：「我不嬲都居安思危，花無百日紅，唔係我聞到有味，係我不嬲作風。」
商戰投資從無師傅，「點解咁鍾意買舖？呢間（佐敦寶靈街分店）係當初傾盡所有積蓄去買，投資自己教自己。客要慢慢儲，唔係一做就風生水起，冇咁順㗎！儲到客，被人逼遷，啲客唔知去邊搵你，呢樣嘢係好弊！一定要有竇，今日儲一個，聽日儲一個」。
「911事件」的落幕，在於城大前教授收回海天堂無龜板言論，海天堂的生意終於慢慢回升，「生意慢慢上返嚟，因為成本低咗，店舖都少咗」，不過難以重返高峰，目前本港維持40多間分店，「能夠收支平衡已經阿彌陀佛！（打贏仗未？）已經係贏咗一大半啦！」
回應 (0)
