鮮魚行榮休校長「退休金最緊要穩陣」

【蘋果日報】鮮魚行榮休校長梁紀昌（圖）還有一年多才滿65歲，他有興趣參加公共年金：「（內部回報率）好似有6至7厘。」他指不少銀行向他銷售年金計劃，「退休金對於我哋嚟講係棺材本，唔要求高回報，最緊要穩陣，就算係匯豐，都有可能冧㗎嘛！」
他指現時每年通脹約2厘，如年金每年有約3厘回報已十分理想，惟憂慮日後情況：「美國加息，利率有機會升得好快，5至6厘都有機會cover唔到。」
倡回報率與最優惠利率掛鈎
他建議政府將年金回報率與最優惠利率（P）掛鈎：「依家大約5厘，如果第日利率升，年金利率又不變，咁我咪蝕本？我相信政府唔會做損害市民嘅嘢。」市民黃婉華（Angela）指計劃由政府包底，「見過雷曼咁多公公婆婆坐晒喺街（請願），（年金）已經係好好嘅選擇」。