李亞男唔想BB似祖藍

【蘋果日報】剛宣佈懷孕的李亞男昨現身書展，宣傳烹飪書《暖．男廚房》，腹部微隆的李亞男心情靚爆，她說︰「已經過咗三個月，除咗攰都冇唔舒服，胃口就變咗，跟埋祖藍鍾意食麵。遲啲先至公佈BB性別，我希望一仔一女，之前講笑話千祈唔好似祖藍，其實高度似我，個樣似佢都應該靚仔靚女。」
李亞男指老公已陪她返加拿大向父母報喜，更謂︰「其實祖藍好緊張，之前同佢去睇超聲波嗰陣，佢表面扮冇嘢，但見到張圖個樣，就好似見到外星人咁囉。依家都諗住喺香港生，因為預產期喺12月至1月，嗰段時間佢忙緊舞台劇，希望佢放到一、兩日嚟陪我啦。」問到好友鍾嘉欣有沒有給她陀仔貼士，李亞男笑說：「冇啊，可能我哋都係鬼妹仔，連湯水都冇特別煲，最緊要都係保持身心健康。」
採訪︰黃曉妍
攝影︰林賓尼