【神級KOL】王菲御用化妝師阿Zing拍廣告出動6位數私伙靚衫大陣仗

【蘋果日報】阿Zing可算係亞洲最有影響力嘅化妝師之一，好似王菲、鄭秀文、劉嘉玲同舒淇都係搵佢化妝，當中同王菲就合作無間，為對方設計過唔少經典靚妝容，而佢對護膚、化妝產品鑽研認知度，絕對是神級KOL。
Zing近年影響力唔止係化妝，仲間唔中「踩界」同唔少品牌做設計工作，好似最近佢就幫化妝品牌Bobbi Brown拍廣告，就同鄭秀文御用化妝師Ricky Lau一齊推介佢哋嘅粉底液產品。
難得Zing動身走到幕前拍廣告，佢當然一絲不苟，出名Chanel迷嘅佢就出動私伙靚衫，喺短短30秒廣告片就換足4個造型示人，當中有軍綠、海軍藍、桃紅同黑白tweed jacket，保守估計要6位數字，認真大陣仗。佢喺廣告入面，Zing就分享完美底妝嘅tips，佢講到：「最靚嘅底妝，化出嚟面同頸兩截色，面具咩？」，相當霸氣。
廣告片連結：https://www.youtube.com/watch?v=5yws8ZIQ3n4