寶珮如怕整容寧推代言

【蘋果日報】寶珮如（Baby）和胡鴻鈞昨日在港台出席長者道路安全活動，最近正拍攝無綫新劇的Baby表示，劇中跟楊玉梅及龔慈欣等人合作相當開心：「幾個女人每日見面就好多嘢講，話題全部都係扮靚買衫，拍得好開心。」
Baby同時提到早前拒絕整型公司代言邀請：「佢哋提出好好嘅價錢，想我去台灣做整形手術，因為我始終嘴唇係破咗相，佢哋話好有信心可以幫我整番靚，但係就要全程拍住。」Baby稱拒絕原因並非因要被拍，她坦言：「我覺得自己已經夠靚，而且我知道我嘅嘴唇創傷係好深層，未必係佢哋講得咁簡單。咁多年嚟我已經做過好多次手術，如非必要我唔想再經歷呢啲嘢，最緊要係我老公都覺得我好靚，所以呢啲錢真係唔係我賺。」
採訪：曹家誠
攝影：馮嘉銘