陳豪留港搵銀　要老婆一拖三

【蘋果日報】陳豪昨日在灣仔出席F1車隊活動，提到太太陳茵媺在Ig上載了一段單拖帶3個仔女返加拿大放暑假的短片，留言：「意外地兒女們在飛機上特別生性和聽話，令到媽媽照顧起他們上不太辛苦！」陳豪笑說：「我覺得好空虛，唔知點咁，睇電視又睇唔到咁耐，瞓又瞓唔到咁多；我因為有嘢做，所以離唔開，不過去加拿大在於小朋友嚟講係好，因為可以見到公公婆婆。」
陳豪還說：「妹妹上年仲係BB，但今年就周圍走，大哥好啲，佢都會睇吓電視，但二哥同妹妹對電視冇乜興趣。」至於網民讚Aimee是Supermum，陳豪即說：「佢係呀，佢生3個已經唔容易，仲要湊3個。不過媽媽同爸爸嘅湊法有唔同，媽媽有規律，我就會用糖、朱古力賄賂，最後我都會被媽媽鬧。」
採訪：黃曉妍
攝影：陳慧安