蜜運心情靚絕現身Stephy談小方冇女友　「佢搞笑啫」

【蘋果日報】鄧麗欣（Stephy）前日承認與細她5年的台灣前偶像組合Lollipop成員、29歲的邱勝翊（王子）發展姊弟戀，有愛情滋潤的她昨晚穿上一條喱士短裙，疑似真空在屯門出席嘉禾院線旗下的新戲院StagE開幕禮。
王子冇投訴
問到男友知不知她真空上陣？Stephy說︰「我都唔知自己真空，其實我有打底，依家啲技術好高超。」男友會否投訴太性感？她表示暫時沒有，而自己的底線確是比以往低，因為近來喜歡穿這類透視裝，問到要不要給男友過目？她說︰「唔使，OK嘅。」提到不少fans讚二人很合襯，Stephy說︰「多謝大家，都希望大家開心。」會否視王子為結婚對象？她表示這方面暫時不說了。
提到舊愛方力申前日被fans問有沒有女朋友時，用手掩臉叫「別提了」，未知是否因小方得悉Stephy有新戀情而冇眼睇，對此Stephy說︰「佢搞笑啫！佢都唔係答呢個問題。」另外，談到小方前晚與朋友看世界盃時，拍片有女仔誤入鏡，小方即澄清並非女友，Stephy揶揄小方︰「佢此地無銀，不過我冇睇條片，佢嘅事問番佢啦。」更多謝小方祝福，表示亦祝福對方。
約Kary探B
前日認愛後，問有否跟王子傾？Stephy說︰「冇特別去傾，自己都冇留意番啲新聞，但有好多朋友send訊息祝福我哋，始終唔想將感情放得太高，想專注工作，唔好影響大家嘅工作。」
對於好友吳雨霏（Kary）榮升媽咪，Stephy表示未探過BB，只看過相片，但會相約Kary這兩個星期見面，但不會約其他姊妹，因要約齊人，不知要等到何時。
採訪︰王連連
攝影︰仇志德