新聞類別
娛樂
詳情#
【蘋果日報】陳啟泰（Ken）主演嘅ViuTV劇集《Plan B》噚日首播，佢今次唔走斯文書生路線，改玩留鬚黑幫大佬，都算一個突破。日前佢喺牛頭角接受專訪，講到飾演大佬，Ken話：「我從演28年，從來未接過呢類角色，係一個殺人唔眨眼，喺劇中係一個好大嘅恐懼，因為當我出現，就係事態不妙，一個新嘗試。」
認有黑暗面
Ken今次同80後導演孔令政首度合作，第一句就問導演點解會搵「百萬富翁」主持做大佬咁破格，佢話：「原來導演一向都覺得我有黑暗嘅一面，就算我戴住眼鏡做《百萬富翁》主持，佢都覺得我好陰暗，呢個就係最吸引我去演嘅元素之一。」Ken亦都承認唔戴眼鏡確係有啲惡。
初頭打算睇電影參考角色，最後Ken打消念頭：「冇乜人演過呢類角色，如果做資料搜集，睇番以前曾經演過呢類角色嘅人去做參考，係幾難，而且我又鍾意包拗頸，如果要演破格角色，最好唔好睇人哋點去演，如果睇人哋點演，唔多唔少，你會有一個基本嘅倒模，我寧願自己重新塑造一個，至少喺電視上未有人見過嘅形象，好過我去copy某一個人，自己創作會嚟得新鮮啲。」
撰文：馮仁昭
場地提供：homemade party
服裝提供：Chris Christy Hong Kong
認有黑暗面
Ken今次同80後導演孔令政首度合作，第一句就問導演點解會搵「百萬富翁」主持做大佬咁破格，佢話：「原來導演一向都覺得我有黑暗嘅一面，就算我戴住眼鏡做《百萬富翁》主持，佢都覺得我好陰暗，呢個就係最吸引我去演嘅元素之一。」Ken亦都承認唔戴眼鏡確係有啲惡。
初頭打算睇電影參考角色，最後Ken打消念頭：「冇乜人演過呢類角色，如果做資料搜集，睇番以前曾經演過呢類角色嘅人去做參考，係幾難，而且我又鍾意包拗頸，如果要演破格角色，最好唔好睇人哋點去演，如果睇人哋點演，唔多唔少，你會有一個基本嘅倒模，我寧願自己重新塑造一個，至少喺電視上未有人見過嘅形象，好過我去copy某一個人，自己創作會嚟得新鮮啲。」
撰文：馮仁昭
場地提供：homemade party
服裝提供：Chris Christy Hong Kong
回應 (0)
