新聞類別
娛樂
詳情#
【蘋果日報】上集提到惠英紅出賣了十年青春做街童養家，錯過入學讀書，擁有八兄弟姊妹的惠英紅排行第五，四哥是惠天賜。
「我屋企窮，自細哥哥姊姊要離開屋企去學京戲，大家分開住，感情較疏，我同妹妹成日一齊去灣仔賣嘢，日對夜對，感情好啲。我出灣仔賣嘢時3歲幾，妹妹兩歲，佢比我幸運，之後我哋上咗樓，佢年齡剛可以返學，佢同再之後細佬妹有書讀，我同妹妹喺灣仔賺錢半養佢哋。」
「我媽份人好直，擔屎唔偷食嘅山東婆，外人唔蝦得我哋，佢會拎刀拎槍同你死過，我爸係才子，但又盲又失業，搞到佢消磨咗自尊，變得內向懦弱。我5、6歲時變咗大家姐，邊個蝦我哋，我會帶頭出去。」紅姐賣嘢叻，賺到錢養家，家中環境較好時，父母就想去向京劇師父攞番兄姊返屋企，但原來簽咗合約唔攞得，嗰個師父知道紅姐兩姊妹日賣嘢會搵到幾百蚊，就開始去佢屋企「搲錢」，紅姐話：「攞吓攞吓，我哋想唔畀，師父除咗話返去打你啲仔女，即我兄姊，仲會講說話侮辱，搞到爸爸喊，媽咪唔開心，日日如是，整吓整吓我真係好嬲，佢日日都嚟攞晒我哋啲錢，有時佢仲話要睇你哋個袋仲有冇。」
「有一日，師父又嚟我屋企，我企門口專登大聲講，我叫妹妹陣間斟兩杯茶，一陣攞入去，我話噚日喺灣仔問個姐姐拎咗啲毒藥，擺落杯茶度，毒死佢（師父），等佢以後唔好嚟，其實佢會聽到。師父聽到，佢對我父母話：『嘩，你個女短命種，咁毒，一定死於非命。』師父當然唔敢飲啲茶，自此唔敢再嚟，但我媽就覺得我咁毒，覺得我係壞細路，佢信晒，其實我嗰兩杯茶邊有毒，我知哥哥姊姊喺佢手，見過師父喺我哋面前打到佢哋死死吓，抵唔住佢日日嚟，我就搞咗呢單嘢，點知我媽入咗腦，覺得我好有心計、好壞，我目的只希望嚇佢，唔想佢日日嚟。」
撰文：比華利
攝影：林德雄
攝錄：葉君海
髮型：James Lee＠HAiR
化妝：littlewhite
場地：金公館
「我屋企窮，自細哥哥姊姊要離開屋企去學京戲，大家分開住，感情較疏，我同妹妹成日一齊去灣仔賣嘢，日對夜對，感情好啲。我出灣仔賣嘢時3歲幾，妹妹兩歲，佢比我幸運，之後我哋上咗樓，佢年齡剛可以返學，佢同再之後細佬妹有書讀，我同妹妹喺灣仔賺錢半養佢哋。」
「我媽份人好直，擔屎唔偷食嘅山東婆，外人唔蝦得我哋，佢會拎刀拎槍同你死過，我爸係才子，但又盲又失業，搞到佢消磨咗自尊，變得內向懦弱。我5、6歲時變咗大家姐，邊個蝦我哋，我會帶頭出去。」紅姐賣嘢叻，賺到錢養家，家中環境較好時，父母就想去向京劇師父攞番兄姊返屋企，但原來簽咗合約唔攞得，嗰個師父知道紅姐兩姊妹日賣嘢會搵到幾百蚊，就開始去佢屋企「搲錢」，紅姐話：「攞吓攞吓，我哋想唔畀，師父除咗話返去打你啲仔女，即我兄姊，仲會講說話侮辱，搞到爸爸喊，媽咪唔開心，日日如是，整吓整吓我真係好嬲，佢日日都嚟攞晒我哋啲錢，有時佢仲話要睇你哋個袋仲有冇。」
「有一日，師父又嚟我屋企，我企門口專登大聲講，我叫妹妹陣間斟兩杯茶，一陣攞入去，我話噚日喺灣仔問個姐姐拎咗啲毒藥，擺落杯茶度，毒死佢（師父），等佢以後唔好嚟，其實佢會聽到。師父聽到，佢對我父母話：『嘩，你個女短命種，咁毒，一定死於非命。』師父當然唔敢飲啲茶，自此唔敢再嚟，但我媽就覺得我咁毒，覺得我係壞細路，佢信晒，其實我嗰兩杯茶邊有毒，我知哥哥姊姊喺佢手，見過師父喺我哋面前打到佢哋死死吓，抵唔住佢日日嚟，我就搞咗呢單嘢，點知我媽入咗腦，覺得我好有心計、好壞，我目的只希望嚇佢，唔想佢日日嚟。」
撰文：比華利
攝影：林德雄
攝錄：葉君海
髮型：James Lee＠HAiR
化妝：littlewhite
場地：金公館
回應 (0)
