新聞類別
財經
詳情#
【蘋果日報】職場世界往往像劇集《宮心計》，處處地雷，如履薄冰。常言道「識做事不如識做人」，不過，他堅持對事唔對人，講真話做實事才是王道。他的真，連舊老闆東亞銀行（023）主席兼行政總裁李國寶，都有點不捨，在2009年初他離職時高層歡送會上，對住尹焰強（Daniel）這位即將拜拜的集團大掌櫃說：「Daniel走咗，以後就少一個可以同我講真話嘅同事！」
尹焰強說：「老闆知邊個擦鞋邊個幫到手，唔好以為佢儍先得㗎……對老闆起碼要講七成真話。」十年前一場金融風暴，打殘銀行業，無做banker好耐的Daniel，非因風暴敗走，一切只是緣起緣滅，他口中天時地利人和兼性格注定，雲淡風輕，十年磨兩劍華麗轉身。
記者：劉美儀
職場生涯快40年的尹焰強，執業會計師出身，追隨寶哥哥做東亞財務總監廿載，09年轉投瑞安房地產（272）幫「上海姑爺」羅康瑞在滬打拼六年，三年前回歸香港掌舵私人投資公司海富國際金控，涉足消費品、房地產，又進軍基金，機緣巧合兼任化妝品集團卓悅控股（653）執行董事，瓣數多多。
先後做過兩位系出名門大老闆的副手，見識過大千世界萬般浮華，尹焰強認為職場基本法都是原始哲學：講真話，做實事。
欣賞李國寶 「佢個人好直」
「譬如你真係做擦鞋仔嘅話，我覺得亦未必一定對career發展係好，我始終堅持無論邊一個老闆，起碼最少要七成講真話（中國人文化保留少少免令關係太惡劣）……為咗自己利益犧牲公司利益，無謂呀……其實老闆梗知邊個擦鞋邊個幫到啦，唔好以為啲老闆咁儍先得㗎，我未見過一個老闆蠢到分唔出，連呢樣都分唔出你唔好搵佢做老闆，快啲走，邊到仲有前途箒？」
老闆識分擦鞋定忠臣，不過老闆亦係人，人性鍾意被人讚，忠言逆耳唔死一身潺？
如民橋民斌半個哥哥
「唉，邊個唔鍾意俾人擦鞋呀，舒服嘛。」正因真話難接受，他非常欣賞昔日東家李國寶，其中一樣就是「佢個人好直，有嗰句講嗰句，有人可能覺得脾氣大啲，但同我性格好相似，雖然好多時大家意見不一甚至出現拗撬，明知老闆唔係幾鍾意，我亦唔怕話佢聽……試過有次佢當住同事面話：唏，都係Daniel講得啱，我噚日有啲情況考慮錯咗。」作為一個老闆，「呢個真係幾難做到」。
訪問中，尹焰強講得最多的，是天時地利人和。大老闆容得下一個直腸直肚的夥記，也許亦是因緣際會。
時間回到89年六四事件後，剛31歲的Daniel，離開畢馬威會計師事務所加入東亞。「本來有移民打算，初頭無諗住喺銀行做得長。」所謂官到無求膽自大，後生唔識死，故一開始對住老闆已經有碗話碗，「唔高興大家握握手咪散檔……以前話忠臣唔怕殺頭，我哋就唔怕炒魷。」鹹魚青菜各有所好，最緊要心安理得！
近40年打工生涯，感情最深厚地方，他說依然是東亞走過的日子，事業由起步到成熟，與寶哥哥兩位公子──東亞執董兼副行政總裁李民橋及李民斌，關係亦情同半個哥哥一起成長。當時兩位細李生還在外國唸中學，「講得好笑啲，有時佢哋問Daddy攞零用，間唔中會透過我開聲，方便啲……無所謂啦，幫到咪幫囉！」
讚羅康瑞具商業視野
另一個老闆羅康瑞，尹焰強欣賞對方膽色及遠見。他形容外表斯文唔發脾氣、凡事看似輕鬆淡定的羅生，「做嘢好認真，對商業上決定可能較李生更執着。」像20多年前開墾還是荒蕪一片的盧灣區，打造成今日人盡皆知的新天地，唔係人人夠膽。「好欣賞佢商業上有vision（視野），唔係咁短視，淨係每年計住profit（盈利）。」
無做銀行業近十年，Daniel話現在做banker「非常難，好難，全世界銀行業黃金時間已經過咗！」香港市場細競爭大，中國市場大，但唔係你外資行可以打入去受惠嗰杯茶。
相比很多賓架前輩，一生浸淫銀行業四十年，尹焰強只做了一半年資，「現在都唔夠膽話係banker嘞」。但假如時光倒流，他還是會揀這條變化多端的路，「人生燦爛啲囉」。
做了一世專業管理，即將步入花甲之年，他希望藉海富國金這個投資平台，在職場上的最後一鋪「過吓老闆癮」。說到底，有得揀先至係老闆。無為而治，為而不爭，尹焰強其實一直已是老闆，一個跟從自己意思而活的老闆。
尹焰強說：「老闆知邊個擦鞋邊個幫到手，唔好以為佢儍先得㗎……對老闆起碼要講七成真話。」十年前一場金融風暴，打殘銀行業，無做banker好耐的Daniel，非因風暴敗走，一切只是緣起緣滅，他口中天時地利人和兼性格注定，雲淡風輕，十年磨兩劍華麗轉身。
記者：劉美儀
職場生涯快40年的尹焰強，執業會計師出身，追隨寶哥哥做東亞財務總監廿載，09年轉投瑞安房地產（272）幫「上海姑爺」羅康瑞在滬打拼六年，三年前回歸香港掌舵私人投資公司海富國際金控，涉足消費品、房地產，又進軍基金，機緣巧合兼任化妝品集團卓悅控股（653）執行董事，瓣數多多。
先後做過兩位系出名門大老闆的副手，見識過大千世界萬般浮華，尹焰強認為職場基本法都是原始哲學：講真話，做實事。
欣賞李國寶 「佢個人好直」
「譬如你真係做擦鞋仔嘅話，我覺得亦未必一定對career發展係好，我始終堅持無論邊一個老闆，起碼最少要七成講真話（中國人文化保留少少免令關係太惡劣）……為咗自己利益犧牲公司利益，無謂呀……其實老闆梗知邊個擦鞋邊個幫到啦，唔好以為啲老闆咁儍先得㗎，我未見過一個老闆蠢到分唔出，連呢樣都分唔出你唔好搵佢做老闆，快啲走，邊到仲有前途箒？」
老闆識分擦鞋定忠臣，不過老闆亦係人，人性鍾意被人讚，忠言逆耳唔死一身潺？
如民橋民斌半個哥哥
「唉，邊個唔鍾意俾人擦鞋呀，舒服嘛。」正因真話難接受，他非常欣賞昔日東家李國寶，其中一樣就是「佢個人好直，有嗰句講嗰句，有人可能覺得脾氣大啲，但同我性格好相似，雖然好多時大家意見不一甚至出現拗撬，明知老闆唔係幾鍾意，我亦唔怕話佢聽……試過有次佢當住同事面話：唏，都係Daniel講得啱，我噚日有啲情況考慮錯咗。」作為一個老闆，「呢個真係幾難做到」。
訪問中，尹焰強講得最多的，是天時地利人和。大老闆容得下一個直腸直肚的夥記，也許亦是因緣際會。
時間回到89年六四事件後，剛31歲的Daniel，離開畢馬威會計師事務所加入東亞。「本來有移民打算，初頭無諗住喺銀行做得長。」所謂官到無求膽自大，後生唔識死，故一開始對住老闆已經有碗話碗，「唔高興大家握握手咪散檔……以前話忠臣唔怕殺頭，我哋就唔怕炒魷。」鹹魚青菜各有所好，最緊要心安理得！
近40年打工生涯，感情最深厚地方，他說依然是東亞走過的日子，事業由起步到成熟，與寶哥哥兩位公子──東亞執董兼副行政總裁李民橋及李民斌，關係亦情同半個哥哥一起成長。當時兩位細李生還在外國唸中學，「講得好笑啲，有時佢哋問Daddy攞零用，間唔中會透過我開聲，方便啲……無所謂啦，幫到咪幫囉！」
讚羅康瑞具商業視野
另一個老闆羅康瑞，尹焰強欣賞對方膽色及遠見。他形容外表斯文唔發脾氣、凡事看似輕鬆淡定的羅生，「做嘢好認真，對商業上決定可能較李生更執着。」像20多年前開墾還是荒蕪一片的盧灣區，打造成今日人盡皆知的新天地，唔係人人夠膽。「好欣賞佢商業上有vision（視野），唔係咁短視，淨係每年計住profit（盈利）。」
無做銀行業近十年，Daniel話現在做banker「非常難，好難，全世界銀行業黃金時間已經過咗！」香港市場細競爭大，中國市場大，但唔係你外資行可以打入去受惠嗰杯茶。
相比很多賓架前輩，一生浸淫銀行業四十年，尹焰強只做了一半年資，「現在都唔夠膽話係banker嘞」。但假如時光倒流，他還是會揀這條變化多端的路，「人生燦爛啲囉」。
做了一世專業管理，即將步入花甲之年，他希望藉海富國金這個投資平台，在職場上的最後一鋪「過吓老闆癮」。說到底，有得揀先至係老闆。無為而治，為而不爭，尹焰強其實一直已是老闆，一個跟從自己意思而活的老闆。
回應 (0)
