泳裝MV　不讓女兒看

【蘋果日報】藝人走在街上，要戴帽、戴黑超，掩人耳目。前女子組合Freeze成員陳樂榣Alley，重談10年前初出道之時也會喬裝，比起怕被人打擾，她說更不願見到路人對她指指點點。女兒現時只有3歲，便喜歡K-POP，她也播自己的MV給女兒看，得到的反應卻是：「點解你着泳衣跳舞嘅？我唔鍾意你着泳衣跳舞！」只此一次，Alley再也沒有讓她看自己以前的表演。
出道初期日日以淚洗面
Alley當年簽約主要是為了供養家人，「啱啱遇着我爸爸負債走佬，我細佬就要去台灣讀書，所以我都好快簽咗（合約）。覺得冇乜嘢可以輸，咪當一份工咁去打。」退出娛圈，對她而言是卸下重擔，出道首兩年壓力極大，每日面對負評，以淚洗面，不時要見輔導，「最初一兩年驚俾人哋認到，Freeze呀，嗰個咪Freeze囉！整容嗰個呀！再造人呀！」
在鎂光燈下度過4年，Alley表示無悔，「依家睇返就幾好，一個經歷囉，係一個特別嘅經歷。我嗰陣時都有回想，如果我當時冇做（藝人），可能我會嫁咗人，好早就嫁咗人。」在舖頭有時也會有客人認出她是藝人，但她從不自揭底牌，因為不做藝人，反而樂得清靜。
■記者劉卓瑩