大肚蔡一鳳英國走火警

【蘋果日報】懷有6個半月身孕的蔡一鳳近日到倫敦安胎兼進修，昨日英國時間凌晨5時許，她下榻的酒店響警鐘，她被吵醒後即致電接待處求證，知道發生火警後，立即帶了簡單的個人物件同證件逃生，安全走出酒店外才於社交網貼相報平安，此行老公盛品儒未有陪伴，他正在美國公幹。
大肚婆蔡一鳳昨在電話回應逃生情況：「一聽到火警鐘，阿B喺個肚係咁踢，我行樓梯時又踢，直至安全出咗大門口，佢先冇踢得咁犀利，好有靈性。我走出房，見到有對韓國老夫婦準備坐電梯，我叫佢哋行樓梯，好彩我住四樓，如果好高十幾樓都唔知點算好。出到酒店外，見到好多住客好狼狽，有幾架消防車嚟咗，最後係酒店廚房有嘢燒着，唔係大問題先畀我哋返房。」蔡一鳳兩年前銅鑼灣吃飯都試過走火警，她笑言自己「惹火」。
採訪：陳杰