黃雨煞科馬迷照捧場阿伯霸氣：輸得起

【蘋果日報】昨日馬季煞科，即使黃雨生效，仍無礙馬迷熱情，每當賽事開跑，馬迷都帶備雨具在露天看台睇馬及吶喊。有馬迷說，因之後要「唞暑」，昨日的投注額會較多。亦有馬迷指，跑完馬之後會直落看世界盃決賽。
馬季煞科日遇正狂風暴雨，第一場賽事過後，天文台便發出黃雨警告信號。不少馬迷都留在室內，至賽事開跑才至露天看台為心水馬匹及騎師吶喊打氣，之後又返回室內避雨。
馬迷林先生說，雖然下雨，但無影響氣氛，「落雨都算多人」。他說，昨日是今個馬季第二次入場，「季初嚟過一次，因為今日煞科所以嚟，好頭好尾」。他說，預計投注約500元，指今個馬季輸多過贏，「輸少少就唔賭，退咗休無收入，唔可以亂咁賭」。問到最近賭波多還是賭馬多，他直言：「波就晚晚賭，習慣咗，睇波唔賭波，呃自己啫。今晚一定睇（世界盃決賽）」。
不時入場的馬迷梁先生指，到場是為「心癮」，「想睇馬嘛，唔介意落雨。帶幾多錢入場，就賭到幾多錢」，預計全日投注1,000元，「平日再少啲架，但最後一日，玩多啲」。他亦說，今個馬季輸多過贏，「邊有得贏啊賭錢？但我有能力輸得起」。至於晚上球賽，他笑言自己甚少睇波，「因為波係圓嘅」。
馬迷羅小姐則陪丈夫入場，預計投注數十元，整個馬季投注約1,000元，「純粹玩下啫」。她說，原以為煞科會有很多人，但因太大雨，氣氛和人數都稍有影響。她又說，跑完馬會「直落」看世界盃，笑言最近都「很忙」，「噚晚已經養足精神」。馬迷黃先生說，今個馬季成績不錯，共贏得2、3,000元，預計今日投注300元。