新聞類別
港聞
詳情#
【蘋果日報】東歐小國克羅地亞，在一般港人印象中，可能只是可以一遊的旅遊地，除了他——在fb開設「Hrvatska Povezan在線克羅地亞」專頁的克羅地亞忠粉「太宰二」。他愛談足球，也談克羅地亞的種種。對於這個東歐小國，太宰二有着難以言喻的情感，肉緊程度猶如自己祖國。
訪問當天，太宰二特地換上克羅地亞球隊夏德成員於10年前送給他的球衣，「有錢都買唔到」。回想中三那年，當年他在新聞上接觸到克羅地亞的名字，正值該國爭取獨立。當時太宰二正建立自己的世界觀，被克國的精神震懾，「嗰時係九十年代初，克羅地亞為咗脫離南斯拉夫而戰，一個咁樣嘅新興國家，我睇住佢成立，就好似睇住自己人生嘅起伏一樣」。
稱入決賽有運
自此以後，人生彷彿與克羅地亞再也分不開，同仇敵愾地痛恨塞爾維亞，甚至取了一個當地的名字，不諱言比起對香港的感情更深厚，「我已經成為咗佢哋嘅追隨者20幾年喇」。
1998年，克羅地亞晉身世界盃四強；20年後，才再次躋身冠亞之列，太宰二自言感意外，「98年嗰次，有個世界性嘅舞台，可以畀克羅地亞展示佢哋嘅紅白格波衫，代表住呢一個民族」。然而，戰爭時代漸遠去，這次決賽，太宰二認為是運氣，「冇咗九十年代嘅政治因素，我諗係有運氣，不過都可能係前南斯拉夫內戰帶嚟嘅陰影，球隊有成員喺細個嘅時候都經歷過嗰段戰爭歲月，孕育咗一種民族主義嘅情感」。
有說足球與政治密不可分，談到那個遠去的九十年代，40多歲的太宰二稱不得不提傳奇球星波班（Zvonimir Boban），「90年，克羅地亞球隊薩格勒布戴拿模主場對戰塞爾維亞球隊貝爾格萊德紅星，兩隊球迷起衝突，球場出現獨立嘅聲音，有南斯拉夫警察追打克羅地亞球迷，波班為咗保護民眾而起飛腳踢警察，結果俾人禁賽，但呢種無畏無懼嘅精神係好令人欣賞」。98年克羅地亞獨立後，那年世盃隊長便是波班。
當克羅地亞在四強反勝英格蘭後，那個凌晨，太宰二與友人走到克羅地亞駐港領事館勝利巡遊，沿路展示有右翼色彩的「克羅地亞烏斯達沙旗」，並拍片放上facebook專頁，後被fb以危害社群穩定的理由刪走。決賽在即，太宰二會留在家中觀戰，「打到呢個位都唔會想佢輸，但如果輸咗，我會想即刻衝去克羅地亞」。太宰二從未踏足該國領土，「如果我真係去咗克羅地亞，我知道我唔會再返嚟香港」。
■記者李雨夢
訪問當天，太宰二特地換上克羅地亞球隊夏德成員於10年前送給他的球衣，「有錢都買唔到」。回想中三那年，當年他在新聞上接觸到克羅地亞的名字，正值該國爭取獨立。當時太宰二正建立自己的世界觀，被克國的精神震懾，「嗰時係九十年代初，克羅地亞為咗脫離南斯拉夫而戰，一個咁樣嘅新興國家，我睇住佢成立，就好似睇住自己人生嘅起伏一樣」。
稱入決賽有運
自此以後，人生彷彿與克羅地亞再也分不開，同仇敵愾地痛恨塞爾維亞，甚至取了一個當地的名字，不諱言比起對香港的感情更深厚，「我已經成為咗佢哋嘅追隨者20幾年喇」。
1998年，克羅地亞晉身世界盃四強；20年後，才再次躋身冠亞之列，太宰二自言感意外，「98年嗰次，有個世界性嘅舞台，可以畀克羅地亞展示佢哋嘅紅白格波衫，代表住呢一個民族」。然而，戰爭時代漸遠去，這次決賽，太宰二認為是運氣，「冇咗九十年代嘅政治因素，我諗係有運氣，不過都可能係前南斯拉夫內戰帶嚟嘅陰影，球隊有成員喺細個嘅時候都經歷過嗰段戰爭歲月，孕育咗一種民族主義嘅情感」。
有說足球與政治密不可分，談到那個遠去的九十年代，40多歲的太宰二稱不得不提傳奇球星波班（Zvonimir Boban），「90年，克羅地亞球隊薩格勒布戴拿模主場對戰塞爾維亞球隊貝爾格萊德紅星，兩隊球迷起衝突，球場出現獨立嘅聲音，有南斯拉夫警察追打克羅地亞球迷，波班為咗保護民眾而起飛腳踢警察，結果俾人禁賽，但呢種無畏無懼嘅精神係好令人欣賞」。98年克羅地亞獨立後，那年世盃隊長便是波班。
當克羅地亞在四強反勝英格蘭後，那個凌晨，太宰二與友人走到克羅地亞駐港領事館勝利巡遊，沿路展示有右翼色彩的「克羅地亞烏斯達沙旗」，並拍片放上facebook專頁，後被fb以危害社群穩定的理由刪走。決賽在即，太宰二會留在家中觀戰，「打到呢個位都唔會想佢輸，但如果輸咗，我會想即刻衝去克羅地亞」。太宰二從未踏足該國領土，「如果我真係去咗克羅地亞，我知道我唔會再返嚟香港」。
■記者李雨夢
回應 (0)
