阮兆祥笑指生女勿似祖藍

【蘋果日報】李亞男、鍾嘉欣、王君馨、岑麗香及苟芸慧先後成婚或待嫁，「處女黨」早已名存實亡。昨日李亞男宣佈造人成功，一班閨蜜紛紛為她送祝福。待產的鍾嘉欣接受《蘋果》訪問說：「戥Leanne（李亞男）同祖藍非常開心，等佢公佈消息好耐，能夠同Leanne同時間懷孕好開心！」準人妻苟芸慧則說：「期待BB出世！」王君馨就表示：「好戥佢開心，Leanne係好好嘅老婆，相信佢會係amazing mom！」香香回應：「都係畀大家早少少知，希望佢陀B陀得唔辛苦，生出嚟嘅BB可以肥肥白白。」
至於祖藍的福祿壽拍檔阮兆祥表示：「星期一見到亞男仲叫佢快啲生，估唔到真係有咗！最緊要生仔要似祖藍咁聰明、咁有才華，生女定要似亞男，千萬唔好似祖藍，如果唔係成日『慳啲啦baby』咁㗎喇！」另外，祖藍旗下藝人林欣彤，提到老闆叫人猜BB似誰，她認為要看BB是男還是女：「似邊個都冇所謂，如果身高似老闆，腦袋一樣似都好，佢咁成功，如果係女仔，細細粒都可愛。」
採訪：唐琛悠、王連連