新聞類別
港聞
詳情#
【蘋果日報】世界盃終於來到最後兩場，曲未終，但很多人已散，德國阿根廷巴西西班牙葡萄牙等已經安坐家中，香港球迷等開波之餘，當然會口痕痕搵燈神，睇睇邊位買乜死乜。
燈神撐克羅地亞有古怪
最強燈力者，當然係國產蒙牛，先搵美斯做代言，再公開撐巴、葡、西、阿，結果全部鎩羽而歸，美斯更被調侃曰「飲蒙牛、冇入球」（幸好最後打破宿命入尼日利亞一粒），而蒙牛股價由開波日至決賽日，都係稍跌。
另一班燈神要數禮義廉，全靠一眾爪牙成功爭取，方能燈死強隊，直情可以掛banner慶功：先有「猜賣BREAST」同葛博士公開撐德國，德軍分組賽死亡；再有四位黨羽支持阿根廷，結果十六強止步；四強之戰，鼎、勳、鈞三人出圖支持英格蘭，結果英軍由領先被追平，再於加時下馬；而法國比利時之戰，亦有公開撐比利時，最終法國又勝一仗，原來蛇齋餅糭之外，還會派燈，全體網民紛紛表示應該再出「我哋撐中共」、「我哋撐林鄭」等標語振奮人心。至於世盃決賽，他們如何指路？落筆時禮義廉三子再公開撐克羅地亞，格仔兵今場應該勢危。再翻舊賬，他們於分組賽阿根廷對克羅地亞、四強英格蘭對克羅地亞，都沒有撐過格仔軍團，突然轉軚（絕對是他們強項），必有古怪。
除了關心世界盃事務外，他們亦有做實事撐香港，包括撐元朗興建17億元天橋、撐觀塘一億八千萬音樂噴泉、撐大埔三角避雨亭（630萬，相對算便宜），市民掛住睇世界盃倒錢落海，他們亦於另一邊配合，非常和諧，香港人喜歡音樂，又鍾情於睇噴泉，其實每區至少有一個才夠。
另一方面，世界盃期間，國際間也有好消息，一則是泰國少年野豬足球隊在山洞內終於全體獲救（亦多謝禮義廉沒有公開支持，萬幸），拯救期間國際足協還公開表示邀請少年隊到俄羅斯觀看決賽賽事，希望明晚可以如願以償（編按：因醫生不批准而作罷）。當日救援人員接觸到被困少年時，被問到世界盃比賽狀況，救援人員竟然答「強隊都走了，只剩下你們」，一下機智幽默，完全化解生死一線之緊張，可謂高手。另一面劉曉波逝世一周年，劉霞可以到歐洲就醫，還可代空凳領獎。學林鄭話齋，真係人道主義體現，識聽嘅，就知之前係幾咁唔人道。
梁栢堅
梁栢堅
燈神撐克羅地亞有古怪
最強燈力者，當然係國產蒙牛，先搵美斯做代言，再公開撐巴、葡、西、阿，結果全部鎩羽而歸，美斯更被調侃曰「飲蒙牛、冇入球」（幸好最後打破宿命入尼日利亞一粒），而蒙牛股價由開波日至決賽日，都係稍跌。
另一班燈神要數禮義廉，全靠一眾爪牙成功爭取，方能燈死強隊，直情可以掛banner慶功：先有「猜賣BREAST」同葛博士公開撐德國，德軍分組賽死亡；再有四位黨羽支持阿根廷，結果十六強止步；四強之戰，鼎、勳、鈞三人出圖支持英格蘭，結果英軍由領先被追平，再於加時下馬；而法國比利時之戰，亦有公開撐比利時，最終法國又勝一仗，原來蛇齋餅糭之外，還會派燈，全體網民紛紛表示應該再出「我哋撐中共」、「我哋撐林鄭」等標語振奮人心。至於世盃決賽，他們如何指路？落筆時禮義廉三子再公開撐克羅地亞，格仔兵今場應該勢危。再翻舊賬，他們於分組賽阿根廷對克羅地亞、四強英格蘭對克羅地亞，都沒有撐過格仔軍團，突然轉軚（絕對是他們強項），必有古怪。
除了關心世界盃事務外，他們亦有做實事撐香港，包括撐元朗興建17億元天橋、撐觀塘一億八千萬音樂噴泉、撐大埔三角避雨亭（630萬，相對算便宜），市民掛住睇世界盃倒錢落海，他們亦於另一邊配合，非常和諧，香港人喜歡音樂，又鍾情於睇噴泉，其實每區至少有一個才夠。
另一方面，世界盃期間，國際間也有好消息，一則是泰國少年野豬足球隊在山洞內終於全體獲救（亦多謝禮義廉沒有公開支持，萬幸），拯救期間國際足協還公開表示邀請少年隊到俄羅斯觀看決賽賽事，希望明晚可以如願以償（編按：因醫生不批准而作罷）。當日救援人員接觸到被困少年時，被問到世界盃比賽狀況，救援人員竟然答「強隊都走了，只剩下你們」，一下機智幽默，完全化解生死一線之緊張，可謂高手。另一面劉曉波逝世一周年，劉霞可以到歐洲就醫，還可代空凳領獎。學林鄭話齋，真係人道主義體現，識聽嘅，就知之前係幾咁唔人道。
梁栢堅
梁栢堅
回應 (0)
