新聞類別
財經
詳情#
【蘋果日報】本港車位售價過去一年繼續火箭式上升，無他，本港仍然資金多而無出路。過去一年，樓價升到嘅水平係你基本拎住100萬，居然可以無咩選擇。資金要尋找穩定回報，唯有向銀碼細細嘅車位埋手。就係咁，車位售價屢創新高。
一年前，一百萬以內嘅車位仍然大把選擇。一年後嘅今日，一百萬以內嘅車位基本絕迹。車位喺無額外印花稅壓抑下，成為炒家樂園，一年內升一倍嘅車位比比皆是。市區車位難求，貨源供應有限下，價格上升都仲可以理解。問題係，一啲新界車位，明明供應充足，屋苑車位比例超過1比1，仍然可以炒上一倍，完全偏離理性。
車位回報率，由上年普遍仲有3厘，到現時有個別屋苑車位跌到2厘唔夠，無論投資收租定自用都完全唔合理。用金獅花園車位做例子，現時叫價普遍達150萬，不過租金只有2000元多少少，回報率得1.7厘左右。咁低回報率，市旺時仲可以話睇車位升值，租金只係甜品；市況逆轉時，咁低回報率嘅資產防守力接近零。車位市場無額外印花稅鎖死市場供應，如果有咩風吹草動，供應將會排山倒海，個價跌幅可以好驚人。
都係果句，有100萬無掟洗，又唔想放落銀行或者買股票，想買資產保值，喺風險回報嚟睇，現價嘅車位絕對唔係好選擇。買樓雖然都係貴，不過即使係劏房回報率仲係比車位好。而且樓係必須品，即使價跌亦唔會租唔出，人都係要搵屋住；車位遠遠唔係必須品，無車位或者車租貴最多唔揸，無剛需嘅資產都係等佢價位回落番去3厘回報率先再考慮。
Melody
一年前，一百萬以內嘅車位仍然大把選擇。一年後嘅今日，一百萬以內嘅車位基本絕迹。車位喺無額外印花稅壓抑下，成為炒家樂園，一年內升一倍嘅車位比比皆是。市區車位難求，貨源供應有限下，價格上升都仲可以理解。問題係，一啲新界車位，明明供應充足，屋苑車位比例超過1比1，仍然可以炒上一倍，完全偏離理性。
車位回報率，由上年普遍仲有3厘，到現時有個別屋苑車位跌到2厘唔夠，無論投資收租定自用都完全唔合理。用金獅花園車位做例子，現時叫價普遍達150萬，不過租金只有2000元多少少，回報率得1.7厘左右。咁低回報率，市旺時仲可以話睇車位升值，租金只係甜品；市況逆轉時，咁低回報率嘅資產防守力接近零。車位市場無額外印花稅鎖死市場供應，如果有咩風吹草動，供應將會排山倒海，個價跌幅可以好驚人。
都係果句，有100萬無掟洗，又唔想放落銀行或者買股票，想買資產保值，喺風險回報嚟睇，現價嘅車位絕對唔係好選擇。買樓雖然都係貴，不過即使係劏房回報率仲係比車位好。而且樓係必須品，即使價跌亦唔會租唔出，人都係要搵屋住；車位遠遠唔係必須品，無車位或者車租貴最多唔揸，無剛需嘅資產都係等佢價位回落番去3厘回報率先再考慮。
Melody
回應 (0)
