五月天瑪莎雙子座龍鳳胎首曝光網民笑謂：腿兒長長

【蘋果日報】五月天成員瑪莎同設計師老婆謝葦怡（Vicky）結婚4年，今年農曆新年大年初一就喺fb宣佈老婆懷孕嘅喜訊，至5月就誕下雙子座龍鳳胎，身為星戰咪嘅瑪莎，更將呢對龍鳳胎改名為路克（Luke）與莉亞（Leia）。
Luke同Leia出世已經個多月，但作風低調嘅瑪莎兩公婆就一直未有公開龍鳳胎嘅樣，然而前日瑪莎嫂就喺ig難得咁上載小寶貝瞓喺籐籃嘅相，但都未能見到小寶寶嘅樣，只係見到佢伸長小腳，佢仲留言話：「一起曬太陽」，首度讓小孩曝光。
雖然未見樣，但有網民見張相就已經大讚個BB好可愛，又話佢雙腳好有力，仲笑話佢「腿兒長長」，而瑪莎身高有172CM而Vivky亦只有156cm，個子不算太高，所以有網民就話BB「青出於藍勝於藍」。