千語大馬快閃賀好友

【蘋果日報】林峯有內地女模張馨月，吳千語都不愁冇拖拍，近月已轉投百億富三代施伯雄懷抱，千語日前更在Ig放閃收花。原來千語前晚去了大馬，出席當地億萬富商、英國球會卡迪夫城班主陳志遠大女陳雪玲（Chryseis）婚禮，同場還有一班香港富二代，包括賭王四房大女何超盈、林建岳龍鳳胎子女林心兒與林孝能，楊受成姪女楊永晴等，而正在與吳建豪辦離婚的新加坡富商千金石貞善亦有前來。
至於千語就孖馬天佑作伴，但就未見新男友施伯雄，而馬天佑在Ig動態貼了短片，笑言盛裝的二人似在行奧斯卡紅地毯，《蘋果》就此事聯絡馬天佑，他表示：「結婚嗰個係我哋好朋友，喺馬來西亞結婚都飛過嚟，但千語拍緊戲，所以佢都係嚟一嚟，已經返咗橫店繼續拍戲，我就聽日飛香港，大家開開心心，我都有幾個禮拜冇見佢。」
採訪：唐如