WeChat結識「金融分析師」港男中美人計炒金蝕180萬

【蘋果日報】近年微信（WeChat）投資騙局興起，一名港男透過微信結識投資公司女助理副總裁，被對方以交往利誘拿600萬元投資，聲稱回報高風險低，結果半日內蝕去180萬元後斬倉離場。事主聘私家偵探追查發現對方住址及學歷全屬虛假，並且與男友同居。事主最終情財雙失，遂公開受騙過程警惕其他港男勿上當。
記者：林熊　黃學潤　張軍
「佢話喺港大畢業，做金融分析師；我都係專業人士，感覺上同佢好襯，最重要係佢先28歲，真係後生又靚女！」40多歲的Kent今年4月透過微信「附近的人」功能交友，被Angel的美女頭像吸引，並隨即加為好友，兩人在投資話題上十分投契，加上對方自稱單身，又上載不少做義工及放狗的照片，認定她甜美有愛心，火速墮入情網。
私家偵探揭有男友
兩人相識第7天，Angel游說Kent先投資100萬元炒賣黃金，保證風險最多蝕20萬元，又以曖昧口吻稱：「其他人都係靠收手續費食飯，但我唔會收你手續費，我等你畀家用。」Kent當局者迷，相約對方見面，她自稱在金融投資公司任職巿場部助理副總裁，事主之後按Angel要求簽授權書讓她操盤。
Kent指投資初期有盈餘，戶口翌日進賬10萬元，Angel落嘴頭叫他加碼至600萬元，聲稱回報最少200萬元、80萬元止蝕，更答應Kent的拍拖要求，事主一下子被愛情沖昏頭腦，加碼投資，惟第二日發現戶口出現300手買賣，賬面蝕去200萬元。Kent慌忙斬倉，結算共蝕去約180萬元，並開始質疑Angel的身份，私下聘請私家偵探連日追查，結果有驚人發現。
有一日，Angel聲稱周末到澳門見客，要求Kent接送她到碼頭，當時發現她與女同事穿便服到場，已心感不妥，其後Kent一離開，私家偵探便發現Angel原來約了男友在港澳碼頭內的登船區等候，雙雙到澳門酒店過夜，又揭發其住址、學歷及專業資格均是虛構，情人形象剎那幻滅，「我哋見面得4、5次，拖手都只係兩次，佢根本係感情騙子」。
要求賠償反遭威嚇
Angel事後責怪Kent斬倉，要求他再拿出400萬元讓她投資倫敦金，被Kent當下拒絕後，她立刻現形提出分手，但之後又死心不息，再相約Kent見面游說，經Kent追問下，她終承認自己有男朋友，而且無金融分析師資格，亦非港大畢業，Kent傷心地表示：「你真係呃咗我感情！」Angel其後返回金融投資公司，並透過微信向Kent承認：「你只可以講我呃你只係有感情！投資上，我冇呃過你！」
回復清醒的Kent，以Angel曾承諾風險最高是蝕80萬元，要求她及其公司賠償，卻反遭威嚇將其個人資料及聊天紀錄上載至互聯網，他感到人身安全受威脅於是報警，亦希望公開經歷，警惕其他港男切勿上當。