三新盤收千票　睇樓客：新房策冇用

【蘋果日報】政府推空置稅後，各新盤極速推盤，近日陸續收票，包括大孖沙新地（016）北角及大埔雙盤齊發，以及中小型發展商遠展（035）的大圍盤，市傳3盤2日累收1,000票。對於新盤定價進取，有睇樓客直斥新房策無效，「幫到我就唔使揼咁多錢出嚟（買樓）啦！」
珀玥海璇較冷清
大埔白石角雲匯2期上周四推出首張價單涉128伙，價錢貴同區二手最多17%，但仍吸引大批睇樓人士到場參觀，項目昨日收票，單日累收逾400票，超額2.2倍。昨午3時許，記者在售樓處看見有近百名睇樓客大排長龍。睇樓客莫先生表示，打算斥300萬元幫兒子付首期，買入一房單位自用。他坦言「（定價）貴就貴啲㗎喇，不過自己負擔到就冇乜所謂喇。」他認為樓市正處於高位，但有需要就要買。
問及新房策能否幫助置業，莫先生指「幫唔到！幫到我就唔使揼咁多錢出嚟（買樓）啦！公屋嘅話，單身嘅30年都未排得到，香港人根本冇可能住到公屋。」
日前因樓書出錯而深宵急改價單的大圍蚊型新盤珀玥，昨日位於黃大仙的售樓處門外場面相當冷清，天雨下僅約10多人在門外排隊，項目上周五起收票，市傳兩日累收逾600票，以首推50伙單位計，超額認購11倍。而3盤中收票最差的是新地北角海璇，傳單日僅收約20票，以首批71伙計，仍未足額認購，相信除了因為「獅子開大口」開價外，亦因為區內購買力早被新世界（016）北角柏蔚山「揸乾一浸」所致。
柏蔚山昨日再賣45伙，發展商指截至昨晚8時許已沽19伙，套現逾4.6億元。當中3座28樓A室四房戶，以6,023.6萬元沽出，金額創項目新高。項目上月開售至今累售450伙，佔可售單位逾七成半，套現逾108億元。另新地沙田九肚雲端昨以招標形式售出House Premier12洋房，實用2,905方呎，以1.23億元沽出，呎價4.24萬元，售價及呎價均創屋苑同類單位新高。